U vhewa tshiduloni ha Muphuresidennde – 2009
Khari pembelele u vhewa tshiduloni ha Muphuresidennde muswa wa shango ḽashu! 
Dzimiḽiyoni dza maAfurika Tshipembe vho dzhenelela kha khetho dza guṱe nga dzi 22 Lambamai 2009. Vhathu vha Afurika Tshipembe vho shela mulenzhe kha nyelelo ya demokhrasi ya u khetha Muphuresidennde muswa wa shango, nga u tou voutha. Zwino ngauri ri a ḓivha mvelele dza khetho, ndi tshifhinga tsha uri Muphuresidennde wa Afurika Tshipembe a vhewe tshiduloni. 
U vhewa tshiduloni ndi mini? 
U vhewa tshiduloni ndi vhuṱambo ho dzudzanyiwaho vhu sumbedzaho mathomo a kotara ya muvhuso muswa ofisini. Nga heḽi ḓuvha, Muphuresidennde u ḓo aniswa nga Muhaṱuli Muhulwane wa Afurika Tshipembe. Dziṱhoho dza mashango na muvhuso na vhaimeleli vha muvhuso vha bvaho kha maṅwe mashango vho dzhenelela hovhu vhuṱambo ha vhuṱhogwa. Hu dovha ha vha na muzika, zwa mvelele na miṅwe mitambo kha hovhu vhuṱambo u pembelela heḽi ḓuvha. 
U vhewa tshiduloni hu ḓovha hone lini? 
Kha hoyu ṅwaha u vhewa tshiduloni ha Muphuresidennde hu ḓo fariwa nga Mugivhela, nga dzi 9 Shundunthule 2009 nga 11:00 nga matsheleloni ngei Union Buildings kha ḽa Pretoria.
Ndi nga mini ḓuvha iḽi ḽi ḽa vhuṱhogwa? 
Nga heḽi ḓuvha ri ḓo pembelela mvelaphanḓa ya demokhrasi kha shango ḽashu na pfanelo na tshifhinga tshine ra ḓi phina nga tsho kha demokhrasi, u sa khethulula nga lukanda na nga mbeu kha ḽa Afurika Tshipembe. Ndi ḓuvha ḽine ra ḓo ṱangana sa lushaka uri ri kone u isa phanḓa na u fhaṱa shango ḽa Afurika Tshipembe ḽine roṱhe ra ḓo ḓi ṱongisa ngaḽo. 
Vha nga vha hani tshipiḓa tsha u vhewa tshiduloni ha Muphuresidennde? 
U vhewa tshiduloni ha Muphuresidennde zwi ḓo hashiwa thwii kha thelevishini na tshumelo dza khasho dza radio dzo vhalaho – kha vha thetshelese!
Hu dovha ha vha na vhuṱambo ho dzudzanyiwaho zwitshavhani u mona na shango – kha vha vhe tshipiḓa tshaho! 
U wana zwidodombedzwa nga ha vhuṱambo shangoni ḽa havho, kha vha rwele luṱingo kha 1020 (ndi nomboro ya mahala kha luṱingo lwa nḓuni).  
Ro ṱangana Roṱhe u itela u Khwinisa matshilo!
