﻿

Vhadzulapo vha Afrika Tshipembe vho farwaho mashango ḓavha






halutshedzo
Maga a tevhelwaho
Milayo i shumiswaho
Maitele na tshifhinga tsha u itwa ha tshumelo
Mbadelo
adzwa
Zwidodombedzwa zwa vhukwamanyi |


Ṱhalutshedzo

Nga fhasi ha Thendelano ya Vienna Siani la Vhushaka ha Vhuimeli ha Mashango  ya 1963 – vhathu vho farwaho mashango ḓavha vha tea u vha na tswikelelo kha vhaimeli vha mashango avho. Vhadzulapo vha Afrika Tshipembe vho farwaho mashango ḓavha vha tea u humbela u kwamanywa na Vhuimeli ha Afrika Tshipembe kha iḽo shango. Muṅwe muthu a nga kwama Muimeli wa Afrika Tshipembe, o imela mufarwa, kha iḽo shango, kana a kwama tshipi ḓa tsha Consular Services kha Muhasho wa Zwa Nnḓa Pretoria, o imela mufarwa.

Vhaofisiri vha Vhuimeli ha Afrika Tshipembe vha vhona uri vhadzulapo vha Afrika Tshipembe vho farwaho vha farwa nga nḓila yo teaho. Hezwi zwi amba uri zwithu zwi fanaho na u rwiwa, na u farwa nga nḓila yo bvaho kana u pfiswa vhuṱungu zwi ḓo vhigwa nahone zwa ambiwa ngadzwo na vha shango ḽene ḽo. United Nations Standard Minimum Rules for the Treatment of Prisoners i shumiswa sa tsumban ḓila ya kufarelwe kwa vhadzulapo vha mashango ḓavha.

Ndi dzifhio tshumelo dzine dza ṋekedzwa nga vhaofisiri vha Vhuimeli kha vhadzulapo vha Afrika Tshipembe vho farwaho mashango ḓavha?

Vhaofisiri vha Vhuimeli vha:

ita vhukwamani na mufarwa nga u ṱavhanya nahone nga murahu ha u khwaṱhisedza uri mufarwa ndi mudzilapo wa Afrika Tshipembe. Hezwi zwi thusa vhafrwa vha Afrika Tshipembe vho farwaho mashango ḓavha u pfesesa pfanelo dzavho na tshumelo dzi ṋekedzwaho nga Muvhuso wa Afrika Tshipembe. Vhukwamani na mufarwa vha nga vha nga luṅwalo, luṱingo, kana nga u ṱangana na mufarwa nahone nga vhathu vho teaho.
ṋekana nga zwidodombedzwa zwa sisiteme ya zwa mulayo ya iḽo shango. Zwidodombedzwa zwi nga katela; thuso ya zwa mulayo  na vhutshutshisi, mutevhe wa vhoramilayo  u fhiriselwa phanḓa ha tsengo, beiḽi na zwi itwaho musi hu tshi humbelwa beiḽi. Idzwi zwi itwa ndivho hu itela uri mufarwa a pfesese pfanelo dzawe na zwine zwa itwa shangoni iḽo.
vhona uri vhukwamani vho dzula vhu hone vhukati havho na mufarwa ane a vha mudzulapo wa Afrika Tshipembe o farwaho mashango ḓavha, ngeno vha tshi khou tevhela milayo ya shango iḽo.
dalela mufarwa dzhele. Kudalele na tshivhalo tsha madalo zwi ya nga phoḽisi ya tshifhinga tshenetsho ya iḽo shango, fhethu, mvelele milayo ya shango iḽo, na tshiimo tsha tsireledzo tshe dzhele iyo.
kwama muṱa kana khonani – arali vho humbelwa nga jufarwa nga u tou ṅwala. A huna vhukwamani vhune ha ḓo itwa na vhaṅwe vhathu, kana ha ṋekedzwa zwidodombedzwa nga nnḓa ha thendelo ya mufarwa.
thusa u vhona uri masheleni a bvaho kha muṱa wa mufarwa kana khonani dzawe – hu tshi khou tevhelwa milayo ya Muvhuso wa Afrika Tshipembe na shango iḽo – a a swika kha mufarwa. Milayo ya zwino i amba uri masheleni a rumelwaho u bva Afrika Tshipembe u itela u renga zwisibe zwa u ṱamba, zwiḓolo, zwiḽiwa na zwiṅwe  ha tei u fhira R2 000  nga ṅwedzi. Tshivhalo tshi nga si fhiriselwe kha ṅwedzi u tevhelaho. Kha vha kwame Consular Services section u ṱo ḓa thuso.
vhona uri thaidzo dza zwa mutakalo dzi ḓivhadzwa vhalanguli vha dzhele.
thusa kha u rumelwa ha maṅwalo, mishonga na zwa ngudo  u bva kha vha muṱa na dzikhonani dzine dza vha Afrika Tshipembe. Hedzwi zwi itwa nga fhasi ha zwa kushumele na mbadelo dza tshifhinga tshenetsho dza Muhasho wa Zwa Nnḓa na milayo ya shango iḽo. Mbadelo dzi nga shandukiswa tshifhinga tshiṅwe na tshiṅwe.

Kha vha ḓivhe hedzwi:

Muhasho wa Zwa Nnḓa na Vhaimeli vha Afrika Tshipembe mashango ḓavha vha ita nga hune vha nga kona u vhona uri tshelede, maṅwalo, zwa ngudo na mishonga zwi a fhiriselwa nga u ṱavhanya. Fhedzi zwa ndeme zwa Embassy, High Commission kana Consulate ndi zwone zwine zwa dzhielwa nṱha. Tshiimo tshapo tsha shango ḽifari na tshone tshi a sedzwa.

Vhaofisiri vha Vhuimeli a vha koni u ṋekana nga tshumelo dzi tevhelaho kha vhafarwa vha Afrika Tshipembe:

u dzhenelela kha kushumele kwa khothe kana kushumele kwa zwa mulayo
u wana nyeletshedzo ya zwa mulayo kana u ṋekana nga nyeletshedzo ya zwa mulayo
u dzudzanya u bviswa dzhele kana u ṋewa beiḽi
u ya fhethu hu songo tsireledzeaho kana dzhele dzi shushaho
u ṱo ḓisisa mulandu
u thusa uri mufarwa a farwe nga nḓila yo khetheaho u fhira nḓila ine vhafarwa vha iḽo shango vha fariswa zwone – nga nnḓa ha musi milayo United Nations ya kufarelwe kwa vhafarwa i sa khou tevhelwa
u bvisa ndaela ya uri mashaka kana dzikhonani vha rumele tshelede
u badela mbadelo dza Ramulayo kana dza zwa mutakalo
u wana fhethu ha vhudzulo, mushumo, visa kana thendelo dza vhudzulapo
u ita mushumo u itwaho nga madzhendedzi a zwa vhuendi, mabufho, dzibannga kana khamphani dza zwa khadzimo dza dzigoloi
u thusa vhadzulapo vhane vha vha na vhudzulapo ha mashango mavhili kha shango la vhudzulapo ha vhuvhili
u badela mbadelo dza ndugiselo, vhuendi, mbulungo kana u fhiswa ha tshitumbu  tsha mudzulapo wa Afrika Tshipembe o lovhelaho mashango ḓavha.

Ntha

Maga a tevhelwaho

Kha vha kwame South African Representative or Consular Services kha Muhasho wa Zwa Nnḓa Pretoria arali vho farwa mashango ḓavha.
Vhathu vhane vha vha na vhudzulapo ha mashango mavhili vhane vha farwa kha shango ḽine vha vha na vhudzulapo haḽo vha nga si wane thuos ya Vhaimeli vha Afrika Tshipembe. Arali muthu ane a vha na vhudzulapo ha mashango mavhili a farwa kha shango ḽine a si vhe mudzulapo waḽo, u tea u kwama muimeli wa shango ḽa phasipoto ye a i shumisa u dzhena kha iḽo shango.

Ntha

Milayo i shumiswaho

Article 36 of the Vienna Convention on Consular Relations  
A huna Thendelano dzone dza vha hone vhukati ha Afrika Tshipembe na maṅwe mashango dza malugana na u Fhiriswa ha Vhafariwa.

Ntha

Maitele na tshifhinga tsha u itwa ha tshumelo

Maitele na tshifhinga tsha u itwa ha tshumelo zwi ya nga mulandu wone uṋe na zwa shango ḽifari.

Ntha

Mbadelo

Muhasho wa Zwa Nnḓa u ta mbadelo arali ho tea u badelwa, nahone mbadelo dzi ya nga tshumelo dzo ṋekedzwaho.

Ntha

Fomo dzi teaho u ḓadzwa

Muimeli wa Afrika Tshipembe u ḓo ṋea mufariwa fomo dzo teaho dza khumbelo.

Ntha

Zwidodombedzwa zwa vhukwamani






