﻿
Khumbelo ya u vula akhaunthu ya bannga ya Mzansi

halutshedzo
Maga a tevhelwaho
Milayo i shumiswaho
Maitele na tshifhinga tsha u itwa ha tshumelo
Mbadelo
adzwa
Zwidodombedzwa zwa vhukwamanyi

Ṱhalutshedzo

Akhaunthu ya Mzansi ndi tshumelo ya vhathu i langulwaho nga South African Post Office . Ndi nḓila ya khwine ya u vhulunga na u bvisa tshelede kana u ita mbadelo. Tshelede yavho yo vhulungea kha heino akhaunthu.

A huna mbadelo dza tshumelo dza ṅwedzi. Tshelede ine vha i vhulunga i vha fhedzi na nzwalelo. A huna tshelede yo tiwaho. Vha badelela fhedzi zwine vha zwi shumisa. A vha tei u vha na tshiḽipi tsha muholo u vula akhaunthu ya Mzansi. Muthu muṅwe na muṅwe a nga vula akhaunthu sa izwo hu sina ṱho ḓea dza muholo wa fhasi une vha tea u vha vha tshi khou hola wone. Vha nga kona u bvisa tshelede yavho kha matavhi a Poswo a fhiraho 1300 na Mitshini ya Saswitch ya ATM i fhiraho 8000.

A huna mbadelo dzine dza itwa musi vha tshi dzhenisa tshelede kha akhaunthu poswoni.

Kha vha ḓivhe hezwi: Vhana vha tamaho u vula akhaunthu vha tea u fhelekedzwa nga vhabebi kana vhalondoti.

U wana zwidodombedzwa zwinzhi, kha vha dalele website ya South African Post Office.

Top

Maga a tevhelwaho

U vula akhaunthu hu ṱo ḓea zwi tevhelaho:

Kha vha ye Poswoni ya tsini ya Afrika Tshipembe vha humbele muthusi uri a vha ṋee fomo ya khumbelo.
Kha vha ḓadze fomo ya khumbelo.
Kha vha ḓe na ḽi ṅwalo ḽavho ḽa vhuṋe.
Kha vha ṋee vhuṱanzi ha aḓirese ya hayani sa nḓila ya u tevhedza Mulayo wa Senthara ya Vhusevhi ha zwa Tshelede, kana Financial Intelligence Centre Act, une w amaba uri vhoṱhe vha ṱo ḓaho u vula akhaunthu vha tea u ḓa na vhuṱanzi ha aḓirese ya hayani. Vhuṱanzi uvho vhu nga vha nga nḓila ya akhaunthu ya masipala ya maḓi na muḓagasi. Arali hune vha dzula hone vho tou hira, kha vha ḓe na khophi ya thendelano ya u hira. Arali vha tshi dzula na vhabebi, kha vha ḓe na afidaviti i ṱanzielaho uri vha dzula na vhabebi.
Vhana vha tamaho u vula akhaunthu vha tea u fhelekedzwa nga vhabebi kana vhalondoti.
Kha vha dzhenise diphosithi ine i sa vhe fhasi ha R10.

Kha vha ḓivhe hezwi: Vha nga kona u bvisa tshelede yavho kha matavhi a Poswo a fhiraho 1300 na Mitshini ya Saswitch ya ATM i fhiraho 8000.

Top

Milayo i shumiswaho

Postal Services Act, 1998  .

Top

Maitele na tshifhinga tsha u itwa ha tshumelo

Zwi nga dzhia miniti ya 10 uya kha ya 20 zwi tshi ya ngauri Poswoni mushumo u khou lamba zwanḓa zwingafhani.

Top

Mbadelo

Hu todea diphosithi ine i sa vhe fhasi ha R10.

Top

Fomo dzi teaho u ḓadzwa

Fomo dza khumbelo dzi a wanalea Poswoni dzoṱhe Afrika Tshipembe.

Top

Zwidodombedzwa zwa vhukwamani

Kha vha ambe na Mulanguli wa hanefho Poswoni kana vha rwele luṱingo kha: 0800 53 54 55




