﻿

U malana nga fhasi ha mulayo wa tshirema

| Maga a tevhelwaho
Milayo i shumiswaho
Maitele na tshifhinga tsha u itwa ha tshumelo
Mbadelo
adzwa
Zwidodombedzwa zwa vhukwamanyi

Ṱhalutshedzo

Mulayo wa Mbingano dza Tshirema wo thoma u shumiswa nga 15 Lara 2000. Arali vho vha vho malana phanḓa ha ḓuvha iḽi, mbingano yavho i dzhiwa u vha i mulayoni nga uyu mulayo muswa. Kha munna ane a vha na vhafumakdzi vha fhiraho muthihi, mbingano dzoṱhe dzawe dzi mulayoni. Mulayo uyu u ṱanganedza na mbingano dze dza vha hone nga murahu ha iḽi ḓuvha.

Mbingano ya tshirema i mulayoni arali vhathu vh malanaho nga fhasi ha mulayo wa tshirema vho tshimbidzana na zwi tevhelaho:

Vha malanaho vha tea u vha vhe nṱha ha miṅwaha ya fumimalo.
Vha malanaho vha tea u tenda uri vha khou malana nga fhasi ha mulayo wa tshirema.
Mbingano i tea u vha yo pembelelwa nga fhasi ha mbingano dza tshirema.
Tshelede ya u mala a si ṱho ḓea khulwane kha u tendelwa ha mbingano.

Kha vha ḓivhe uri mbingano idzi dzo no tendelwa nga fhasi ha mulayo wa mbingano ya tshirema.

Ndi lini hune nda tea u ṅwalisa mbingano?

Arali vho malana phanḓa ha 15 Lara 2000, mbingano yavho i tea u ṅwaliswa na Muhasho wa Zwa Muno. Arali vho malana nga murahu ha u phasiswa ha mulayo, vha tea u ṅwalisa mbingano yavho hu saathu u fhela miṅwedzi miraru nga murahu ha mbingano.

Milayo ya Tshirema na Tshanga ndi Tshau, Tshau ndi Tshanga

Mbingano dzoṱhe dza tshirema dze dza itwa nga murahu ha u thoma u shuma ha mulayo ndi mbingano dza tshau ndi tshanga, tshanga ndi tshau. Hezwi zwi amba uri munna na mufumakadzi vha na mukovhe u linganaho kha lupfumo, tshelede na thundu na uri vha na mukovhe u fanaho kha zwikolodo. Arali vha tshi tama u malana nga fhasi ha tshau ndi tshau, tshanga ndi tshanga vha do tea u ita ngauralo phanḓa ha u malana. Arali vha tshi ṱo ḓa u shandukisa tshiimo musi vho no malana vha ḓo tea u ita khumbelo Khothe Khulwane.

Nga fhasi ha Mulayo wa Mbingano dza Tshirema, mufumakadzi u na pfanelo i fanaho na ya munna zwi tshi ḓa kha tsheo ya uri hu tea u itwa mini nga thundu. Mufumakadzi u na thendelo ya u saina konṱiraka nga nnḓa ha thuso ya munna.

Zwino arali munna wanga a mala muṅwe mufumakadzi?

Munna u tea u saina konṱiraka ine ya ṱalutshedza uri hu ḓo itea mini kha thundu nahone munna a ite khumbelo khothe uri i tendele konṱiraka. Khothe i tea u vhona uri ṱho ḓea dza mufumakadzi siani ḽa thundu dzo tsireledzwa.

Zwino arali ri tshi ṱo ḓa u malana nga nḓila dza zwino nga murahu ha mbingano ya tshirema?

Arali munna wavho a sina vhaṅwe vhafumakadzi, vha nga malana nga nḓila dza zwino. Fhedzi zwi nga si tsha konadzea uri munna a malane na muṅwe mufumakadzi nga fhasi ha mulayo wa mbingano dza tshirema.

Ntha

Maga a tevhelwaho

Munna kana mufumakadzi a nga ṅwalisa mbingano ofisini dza tsini dza Muhasho wa zwa Muno. Vha eletshedzwa uya vhothe vhuvhili havho u ṅwalisa mbingano. Fhedzi arali muṅwe a sa ṱo ḓi, a ṱo ḓaho a nga ṅwalisa nga ene muṋe, a ḓa na vhuṱanzi ho teaho.
Kha vha ḓe na ḽi ṅwalo ḽavho ḽa vhuṋe vha ḓadze Fomo A: Application for registration/enquiry into existence of customary marriage  ine ya ṱo ḓa uri vha ṅwale zwi tevhelaho:


ṋomboro dza ID, madzina na maḓuvha a mabebo a munna na mufumakadzi
madzina a vhabebi vha munna na mufumakadzi na dzina ḽa vhamusanda
zwidodombedzwa zwa tshelede ya mbingano, na
vhathu vhavhili vhe vha vha ṱhanzi dza mbingano 
lu ṅwalo lwa vhamusanda kana afidaviti.



Fomo i tea u khwaṱhisedzwa na u sainwa phanḓa ha:


muofisiri a ṅwalisaho, kana
muthu o teaho o khethwaho nga Mulanguli-Dzhenerala uri a shumane na mbingano idzi.



Khumbelo i tea u iswa kha muofisiri a ṅwalisaho kana muthu o teaho. Vha tea u ṋewa rasiti ya u sumbedza uri khumbelo yo waniwa nahone i vhe kha Fomo B: Acknowledgement of receipt of application for registration of customary marriage .
Muofisiri a ṅwalisaho kana muthu o teaho u ḓo rumela khumbelo ofisini ya tsini ya dzingu kana ya tshiṱiriki ya Muhasho uri i ṅwaliswe kha redzhisita ya vhathu.
Ṱhanziela ya u ṅwalisa kana Fomo C: Customary marriage certificate .
Kha vha vhulunge ṱhanziela ngauri ndi ya ndeme.

Ntha

Milayo i shumiswaho



The Recognition of Customary Marriages Act, 1998 and related regulations

Amended by the Judicial Matters Second Amendment Act, 2001 


Ntha

Maitele na tshifhinga tsha u itwa ha tshumelo

Ṱhanziela i si ya tshikhau i bviswa zwenezwo.
Ṱhanziela ya tshikhau i dzhia vhege dza rathi uya kha dza malo.
Muofisiri wa u ṅwalisa u ḓo vha ḓivhadza arali o hana u nwalisa mbingano nahone a ṱalutshedze zwiitisi zwa u sa ṅwalisa.

Ntha

Mbadelo

Mbadelo dzi tevhelaho dzi badelwa kha Muhasho wa zwa Muno:


Khophi ya ṱhanziela ya mbingano ys tshirema: R11
U ṱo ḓisisa na u kopa redzhisita ya mbingano ya tshirema kana vhuṱanzi ha thikhedzo : R53
U ṋekana nga tshipida tsha redzhisita ya mbingano ya tshirema: R53
Hu badelwa R11 nga vhafumakadzi vha munna musi hu tshi itwa khumbelo ya u ṅwalisa mbingano ya tshirema yo itwaho na munna uyo.


U ḓivha zwinzhi malugana na mbadelo kha vha kwame Muhasho wa zwa Muno 

Ntha

Fomo dzi teaho u ḓadzwa

Application for registration/enquiry into existence of customary marriage 
Acknowledgement of receipt of application for registration of customary marriage 
Customary marriage certificate 
Application for the consent of a commissioner of child welfare

Kha vha ḓivhe hezwio: Fomo a dzi wanalei online. Kha vha kwame ofisi ya tsini ya muhasho.

Ntha

Zwidodombedzwa zwa vhukwamani








