﻿

Thendelo na khantselwa ha thendelo ya u vha mubebi wa ṅwana a si wau nga mbebo nga mubebi kana mulondoti wa ṅwana

halutshedzo
Maga a tevhelwaho
Milayo i shumiswaho
Maitele na tshifhinga tsha u itwa ha tshumelo
Mbadelo
adzwa
Zwidodombedzwa zwa vhukwamanyi

Ṱhalutshedzo

Thendelo i a mbwaho ngayo afha ndi thendelo yo ṅwalwaho ine ya ṋewa vhabebi vha ṱo ḓaho u vha vhabebi vha ṅwana a si wavho nga mbebo. Thendelo i nga ṋewa nga vhabebi vha dzofha, mulondoti wa ṅwana kana ṅwana ene muṋe. Ṅwana a nga nea ṱhendelo arali a na miṅwaha ya fumi kana u fhira. Mubebi wa ṅwana o neaho thendelo uri ṅwana wawe a dzhiwe a vhe wa muṅwe, u na pfanelo ya u shandula muhumbulo wawe hu saathu u fhela maḓuvha a 60 nga murahu ha u ṋea thendelo. Khothe ya vhana i nga si bvise ndaela ya u dzhia ṅwana phanḓa ha musi tshifhinga tsha maḓuvha a 60 tshi saathu fhela.

Hune thendelo ya u vha mubebi wa ṅwana a si wau nga mbebo ya sa ṱo ḓee

Arali vhabebi vha ṅwana vho lovha nahone hu sina mulondoti wa ṅwana o khethwaho
Arali mubebi

a si kha tshiimo tsha u ṋea thendelo nga ṅwambo wa vhulwadze ha muhumbulo;
o ṱutshela ṅwana a sa vhe na ndavha nae nahone hu sa ḓivhiwi uri u ngafhi;
o tambudza ṅwana nga u mu rwa, u shumisa maipfi a vhaisaho kana o mu tambudza lwa vhudzekani, kana o litsha ṅwana a tshi tambudzwa kana u rwiwa;
o thusa kha u tambudzwa ha ṅwana, u hahedzwa ha ṅwana, u tambudzwa ha ṅwana lwa vhudzekani, kana o itisa uri nwana uri a ite zwiito zwo bvaho kana u mu kha u ita zwiito zwo bvaho;
o hana thendelo ya u dzhiwa ha ṅwana hu sina zwiitisi zwi pfadzaho;
ane a vha khotsi a ṅwana o bebwaho vhabebi vha songo malana o kundelwa u tenda uri ndi ene khotsi a ṅwana, kana o kundelwa u dzhia vhuḓifhinduleli hawe ha mubebi;
ane a vha khotsi a ṅwana o vha khotsi nga vhushaka ha vhudzekani vhune ha vha vhukati hawe na khaladzi hawe kana ṅwana wawe;
ane a vha khotsi a ṅwana o bebwaho vhabebi vha songo malana o

vhonwa mulundu wa u tshipa kana u rwa mme a ṅwana; kana
vhonwa mulandu, nga khothe ya vhana nahone nga murahu ha ṱho ḓisiso, wa u tshipa kana u rwa mme a ṅwana: Arali u vhonwa mulandu hu songo sia muthu uyo a na rekhodo ya vhutshinyi; kana

ane a vha khotsi a ṅwana o bebwaho vhabebi vha songo malana o kundelwa u ita ṋdivhadzo hu saathu u fhela maḓuvha ya u hanedza u dzhiwa ha ṅwana.


Nḓivhadzo ya thendelo ya u dzhiwa ha ṅwana

Arali mubebi muthihi fhedzi hu ene o ṋeaho thendelo, nahone muṅwe mubebi a songo kona u ṋea thendelo kana a sa tei u ṋea thendelo, khomishinari u ḓo khwaṱhisedza thendelo yo ṋewaho nahone a rumela nḓivhadzo kha muṅwe mubebi hu saathu u fhela maḓuvha a 14. Nḓivhadzo i ḓivhadza mubebi uri thendelo yo ṋewa nahone u ṋewa tshikhala tsha u

tendela kana u hanedza thendelo; kana
ṋea zwiitisi uri ndi ngani thendelo yawe i tshi tea u dzhielwa nṱha nahone hu sa iswe phanḓa na zwo vhekanywaho; kana
ita khumbelo ya u dzhia ṅwana arali a khotsi a ṅwana nahone ṅwana o bebwa vhabebi vha songo malana.


Arali mme a ṅwana o bebwa vhabebi vha songo malana o ṋea thendelo ya tshandukiso ya zwidodombedzwa zwa u ṅwaliswa ha mbebo ya ṅwana, khotsi a ṅwana u ḓo ḓivhadzwa. Khotsi a ṅwana u tea u ita nzudzanyo dzo teaho hu saathu u fhela maḓuvha a 14 a u wana nḓivhadzo.
Arali mme a ṋwana a songo ṋea thendelo kha tshandukiso ya zwidodombedzwa zwa u ṅwaliswa ha mbebo ya ṅwana, khotsi a ṅwana u tea u ita khumbelo khothe ya vhana uri thendelo ya mme a ṅwana i sa ṱo ḓei.
Nḓivhadzo ya khotsi a ṅwana o bebwaho vhabebi vha songo malana i ṱo ḓea fhedzi

arali khotsi o tenda nga luṅwalo uri ndi ene khotsi a ṅwana; na musi o ṅwalisa zwidodombedzwa zwawe kha u ṅwaliswa ha ṅwana nahone o vhona uri zwidodombedzwa idzwo ndi zwone; kana
arali mme a ṅwana, tshifhingani tsha u ṋea thendelo

o khwaṱhisedza nga luṅwalo uri khotsi a ṅwana o tenda uri ndi ene khotsi a ṅwana; na
khotsi a ṅwana o tenda uri ndi ene khotsi a ṅwana nahone hu tshi ḓivhiwa uri u dzula ngafhi; kana

mushumeli wa tshitshavha o ṋekana nga muvhigo u khwaṱhisedzaho uri khotsi a ṅwana ndi nnyi nahone u ngafhi. Muvhigo u tea u ṋewa khomishinari ane a ḓo khwaṱhisedza thendelo ya mme, kana khothe ya vhana he khumbelo ya u dzhia ṅwana ya itwa hone. Muvhigo u tea u ṋekedzwa hu saathu u fhela maḓuvha a 60 nga murahu ha u ṋewa ha thendelo nga mme, kana tshifhinga tshiṅwe na tshiṅwe phanḓa ha musi ndaela ya u dzhiwa ha ṅwana i tshi bviswa nga khothe ya vhana.


Mubebi we a ṋea thendelo nahone a tamaho u khantsela thendelo ya muṅwe mubebi u tea u ḓivhadza khomishinari nga musi hu tshi khwaṱhisedzwa thendelo yawe.

U wana zwidodombedzwa zwinzhi, kha vha dalele website ya a ya Ndayotewa



Top

Maga a tevhelwaho

U nea thendelo

Arali vha mubebi kana mulondoti wa ṅwana, kha vha ḓadze Fomo 12, Consent by parent or guardian to tie adoption of a child ; arali ni ṅwana, ḓadzani Fomo 13, Consent by child to adoption .
Thendelo itea u itwa nga luṅwalo. Arali thendelo ya itwa Afrika Tshipembe, muthu kana vhathu vha neaho thendelo vha tea u i saina phanḓa thendelo ha khomishinari wa ndondolo ya vhana uri a khwaṱhisedze thendelo.
Thendelo yo itwaho nnḓa ha Afrika Tshipembe i tea u sainwa phanḓa ha muofisiri wa tshumelo ya vhuimeli ya Afrika Tshipembe nahone i khwathisedzwa ngae, kana nga muhaṱuli, madzhisi ṱira ṱa, muofisiri wa mulalo, kana wa tshitshavha wa shango ḽene ḽo.
Naho thendelo i tshi tea u vha na madzina a vhabebi vha ṱo ḓaho u vha vhabebi vha ṅwana a si wavho nga mbebo, khothe ya vhana i nga ṱanganedza thendelo ya vhabebi vha ṅwana kana mulondoti ine i sa vhe na madzina kana zwidodombedzwa zwa vhabebi vha ṱo ḓaho u vha vhabebi vha ṅwana a si wavho nga mbebo arali khothe yo fushea uri u ita ngauralo zwo lugela ṅwana.

U shandula Muhumbulo

U shandula muhumbulo zwi tea u itwa nga luṅwalo. Arali vha mubebi wa ṅwana kana mulondoti wa ṅwana, kha vha ḓadze Fomo 12A, Withdrawal of consent to adoption by parent or guardian of child  . Nḓivhadzo i tea u itwa phanḓa ha khomishinari hu saathu fhela maḓuvha a 60 nga murahu ha u newa ha thendelo
Arali ni ṅwana, ḓadzani Fomo 13A phanḓa ha khomishinari phanḓa ha u bviswa ha ndaela nga khothe ya vhana.
Arali thendelo ya khantseliwa kha tshiṱiriki tshe thendelo ya sa bviswe khatsho kana kha tshiṱiriki tshine khumbelo ya sa ḓo pfiwa hone, khomishinari u ḓo,

ḓivhadza khothe yo teaho nga u ṱavhanya na mushumeli wa tshitshavha  hune khumbelo ya ḓo pfiwa hone; kana
ḓivhadza khomishinari wa khothe  ya hune khumbelo ya ḓo pfiwa hone we a khwaṱhisedza thendelo.


Khomishinari u ḓo wanisisa khothe ine khumbelo ya ḓo pfiwa hone a ḓivhadza khothe na mushumeli wa tshitshavha nga ha u khantselwa ha thendelo

Top

Milayo i shumiswaho

Child Care Act, 1983  



Top

Maitele na tshifhinga tsha u itwa ha tshumelo

Tshifhinga tshi ya nga vhuvha ha khumbelo.
Phanḓa ha u khwaṱhisedza thendelo khomishinari u tea u ḓivhadza muthu a ṋeaho thendelo

nga masiandoitwa a zwa mulayo a u dzhia ṅwana;
uri mubebi a nga shandula muhumbulo wawe a khantsela thendelo nga u ḓadza Fomo 12A phanḓa ha khomishinari tshifhinga tshiṅwe na tshiṅwe hu saathu u fhela maḓuvha a 60 nga murahu ha u ṋea thendelo;
ṅwana a nga shandula muhumbulo wawe a khantsela thendelo yea a i ṋea nga u ḓadza Fomo 13A phanḓa ha khomishinari tshifhinga tshiṅwe na tshiṅwe phanḓa ha u bviswa ha ndaela nga khothe ya vhana; na
muthu a ṱo ḓaho u vha mubebi wa ṅwana a si wawe nga mbebo a nga vha hone musi khumbelo ya u vha mubebi wa ṅwana a si wau nga mbebo i tshi pfiwa ngauri khothe i pfa uri u vha hone hawe hu tshi ḓo vha ho lugela ṅwana.




Top

Mbadelo

A huna mbadelo.



Top

Fomo dzi teaho u ḓadzwa

Fomo 12: Consent by parent or guardian to tie adoption of a child 
Fomo 12A: Withdrawal of consent to adoption by parent or guardian of child 
Fomo 12B: Adoption of foster child 
Fomo 13: Consent by child to adoption 
Fomo 13A: Withdrawal of consent to adoption by child is not available online, but can be obtained from the Magistrate's CourtYa u khantselwa ha thendelo nga ṅwana a i wanalei online, fhedzi vha nga i wana Khothe ya Madzhisi ṱira ṱa.



Top

Zwidodombedzwa zwa vhukwamani


