﻿
Khumbelo ya u vha mudzulapo nga u tou ṋewa tshidzulapo


halutshedzo
Maga a tevhelwaho
Milayo i shumiswaho
Maitele na tshifhinga tsha u itwa ha tshumelo
Mbadelo
adzwa
Zwidodombedzwa zwa vhukwamanyi


Ṱhalutshedzo

Muthu muṅwe na muṅwe ane a vha na thendelo ya vhdzulapo ha tshoṱhe ha Afrika Tshipembe a nga kona u ita khumbelo ya vhudzulapo nga murahu ha u dzula kha ḽino lwa tshoṱhe minwaha miṱanu.

Muthu muṅwe na muṅwe o malanaho na mudzulapo wa Afrika Tshipembe a nga ita khumbelo ya u vha mudzulapo nga murahu ha miṅwaha mivhili ya u wana thendelo ya vhudzulo ha tshoṱhe yo ṋekedzwaho nga tshifhinga tsha mbingano.

Ṅwana ane a vha fhasi ha miṅwaha ya 21 ane a vha na thendelo ya vhudzulo ha tshoṱhe u tewa nga u vha na thendelo ya vhudzulapo musi thendelo ya vhudzulo ha tshoṱhe i tshi fhela.

Ntha

Maga a tevhelwaho



Kha vha ḓadze fomo BI BI-63 na BI-757 ofisini iṅwe na iṅwe ya Muhasho wa zwa Muno. Kha vha ite khumbelo embasini kana mishinini wa Afrika Tshipembe arali vha nnḓa ha Afrika Tshipembe.
Kha vha ṋekane nga thendelo ya vhudzulo ha tshoṱhe ine ya vha mulayoni.
Kha vha ṋekane nga ṱhanziela ya mapholisa.
Kha vha ḓadze fomo ya khumbelo BI-9 nahone vha kandise minwe yoṱhe, vha dovhe vha ṋekane nga zwinepe zwivhili, zwine zwa shumiswa musi muthu a tshi ita khumbelo ya ḽi ṅwalo ḽa vhuṋe, arali vha nṱha ha miṅwaha ya 15. Hezwi ndi u itela u wana ḽi ṅwalo ḽa vhuṋe nga murahu ha u ṱanganedzwa sa mudzulapo.
Mubebi a nga itela ṅwana khumbelo tshifhinga tshiṅwe na tshiṅwe arali uyo nwana a tshi dzula Afrika Tshipembe lwa tshoṱhe nahone u dzula hawe hu mulayoni.
Arali khumbelo dzavho dza tendelwa vha ḓo humbelwa u saina Muano wa u Nduvho nahone vha ḓo ṋewa ṱhanziela ine ya vha na ṋomboro ya R ya u ṱanganedzwa sa mudzulapo.
Ḽi ṅwalo ḽa vhuṋe ḽi ḓo bviswa ḽa rumelwa kha muhumbeli.
Vhaiti vha khumbelo vhe khumbelo dzavho dza haniwa vha ḓo ḓivhadzwa.

Ntha

Milayo i shumiswaho



South African Citizenship Act, 1995  

Ntha

Maitele na tshifhinga tsha u itwa ha tshumelo

Zwi nga dzhia miṅwedzi mivhili uya kha miṋa u shumana na khumbelo yavho.

Ntha

Mbadelo

A huna mbadelo.

Ntha

Fomo dzi teaho u ḓadzwa



, BI-63
Police clearance certificate, SAP  
Residence Questionnaire, BI-757 

Kha vha ḓivhe hezwio: Fomo a dzi wanalei online. Kha vha kwame ofisi ya tsini ya muhasho.

Ntha

Zwidodombedzwa zwa vhukwamani


