VHEGE YA U SHELAMULENZHE HA TSHITSHAVHA NGA DZI 9 - 15 ḼARA
[milaedza ya ndeme]
Vhege ya u Shelamulenzhe ha Tshitshavha ndi nḓila ya u tamba tshipiḓa tshihulwane kha nyambedzano na ṱhanganyo vhukati ha muvhuso na vhathu. Zwi ṋea tshikhala kha muvhuso uri u kone u amba nga Mbekanyamushumo ya Kushumele na mvelaphanḓa dzo itwaho. Zwi hudza u shelamulenzhe na tshumisano vhukati ha tshitshavha na muvhuso. 
Vhege ya u Shelamulenzhe ha Tshitshavha i ṋea tshikhala kha muvhuso tsha ṱhanganyo na tshitshavha, u ṱalutshedza zwo itiwaho zwa mbekanyamushumo ya kushumele. 
Ṱhanganyo ine ya vha vhukati ha zwiimiswa zwiraru zwa muvhuso (lushaka, vunḓu na muvhuso wapo) na uri tshitshavha tshi ṱanziele muvhuso musi u tshi kwamana na vhathu vhawo.
Kha henei vhege tshitshavha na muvhuso zwi ḓo ṱangana kha u thoma foramu i fanaho na komiti ya u kovhelana ndangulo, na miṱangano ya sia u bvisela khagala khaedu na u thusana nga thandululo. 
Nyombedzelo i ḓo vha kha u maanḓafhadza tshitshavha sa tshone tshi sikaho thandululo, nga thikhedzo ya muvhuso u dzhenelelaho nga mafulufulu. 
 Ḽutingo lwa Muphuresidennde lwo dovha lwa ḓivhadza muelo wo engedziwaho u tamba tshipiḓa tshihulwane kha vhudavhidzani vhukati ha muvhuso na vhathu, na u ṱavhanyisa nḓisedzo ya tshumelo. 
Ri khou amba nga khaedu dzo no ḓi waniwaho kha maṅwe madzangano na dzingudo dzo fhambananaho. 
Ro ita mvelaphanḓa dza ndeme miṅwahani ya 15 yo fhiraho ya mbofholowo, khaedu nnzhi dzi kha ḓi bvelaphanḓa. 
Phesenthe ya miṱa ine ya vha na tswikelelo ya maḓi yo engedzea u bva kha 61.7% nga 1994 u ya kha 91.8% nga Ṱhafamuhwe 2009, ṱhoḓea nnzhi dzi kha ḓi ḓo itiwa u isa tshumelo kha lushaka lwo salaho.
Ri khou sendela tsini kha u bveledza tshipikwa tshashu tsha u fhungudza mabunga a bakhethe vhuponi ho dzudzanyeaho, ro lavhelesa uri nga 2014 vhathu vhoṱhe vha vhe vha si tsha shumisa bakhethe. 
Ri dzula ri na mbilaelo ya ḽeveḽe ya nṱha ya vhathu vha sa shumi, vhushai, u sa vha na ndondolo ya ndeme kha mutakalo, nga maanḓa vhuponi ha mahayani na madzulo a songo dzudzanyeaho. 
Kha ri shumise foramu hei u ṱangana na vhaimeleli vha tshitshavha na u vha thivhela kha u tshinyadza ndaka na zwishumiswa zwo itelwaho u thusa vhone vhaṋe.
Ri na mbilaelo ya u lenga ha tshumelo ye ya fulufhedziswa tshitshavha; ri a zwi ḓivha uri nga u shuma roṱhe ndi tshiṱirathedzhi tsha u shumisana ri nga ita zwinzhi nahone nga u ṱavhanya.
“Nga u shuma roṱhe, ringa ita zwinzhi”
