Gaidi ya Tsireledzo na Mutakalo kha zwa u Fhaṱa
U langula
Musi vha tshi langula bindu ḽavho, naa vha a
- ḓivhadza Muhasho wa zwa Mishumo sa zwine zwa ṱoḓiwa nga Mulayo wa Tsireledzo na Mutakalo Mushumoni?
- ḓinea tshifhinga tsho linganaho tsha u pulana, u dzudzanya na u laula mushumo wavho?
- lavhelesa kana u sedza zwine zwa khou bvelela na u dzhia vhukando kha nyito dza khombo?
- vha na muthu ane vha nga ya khae arali vha tshi ṱoḓa ngeletshedzo ya zwa mutakalo na tsireledzo
- ṋea vhashumi mbofholowo ya u vhiga nyito dzi songo tsireledzeaho kana nyimele na u thasulula zwo vhigwaho?
U vhiga dzikhombo
Arali muthu ane vha mu thola, kana ane a shuma fhethu ha u fhaṱa havho, a wana khombo, vha khwaṱhisedze uri:
- vha ḓivhadza Senthara ya zwa Mishumo nga u ṱavhanya i re tsini navho  arali khombo i tshi nga vha ine ya nga vhanga lufu kana yo vhanga mafuvhalo mahulwane, u fana na u vunḓea, u tumuwa ha muraḓo kana u si tsha vhona.
Kha vha vhige khombo yo iteaho mushumoni ine ya ita uri vha fhidze mushumoni lwa maḓuvha a 14
-Kha vha vhige arali muraḓo wa tshitshavha o vhulawa kana o rumelwa sibadela zwi tshi khou itiswa nga khombo fhethu havho ha u fhaṱa kana i tshimbilelanaho na nyito dza fhethu havho ha u fhaṱa
U thola
Musi vha tshi thola kana u langa vhathu vhane vha vha shumela, vha a khwaṱhisedza uri:
- vha a gudiswa na u vha na vhukoni ha u ita mushumo wavho vho tsireledzea vha sa vhei mutakalo wavho khomboni.
- vha a lavheleswa nga nḓila yo teaho na u ṋewa ndaela dzi pfeseseaho na u ḓivha zwine vha fanela u ita
- vha na zwithu zwa u ṱamba na mabunga
- vha na thulusi dzo teaho, tshishumiswa, mutshini na zwiambaro zwa u ḓitsireledza
- vha amba navho nga ha zwa tsireledzo na zwa mutakalo kana vha amba na vhaimeleli vhavho
U nekedza  mushumo wa konṱiraka
Musi vha tshi ṋetshedza vhaṅwe mushumo wa konṱiraka, naa vha a 
-  sedzulusa tshifhinga tshoṱhe  mutakalo na tsireledzo zwa vhathu vhane vha ṱoḓa u vha shumisa?
- vha ṋea mafhungo ane vha a ṱoḓa malugana na mutakalo na tsireledzo malugana na mushumo na u khwaṱhisedza uri vha na vhukoni phanḓa ha musi vha tshi thoma u shuma?
- amba navho nga ha mushumo phanḓa ha musi vha tshi thoma?
- khwaṱhisedza uri vho vha fha zwoṱhe zwe vha tenda uri vha ḓo vha fha (tsumbo, zwikhafula, mitshini yo teaho, u kona u swikelela ndondolo, nz)
- sedzulusa kushumele kwavho na u thasulula dzithaidzo?  
U kona u swika fhethu hune ha khou fhaṱiwa hone
- Naa muṅwe na muṅwe u a kona u swika fhethu ha u shumela o tsireledzea  - na u shuma henefho o tsireledzea
- Naa nḓila dza u dzhena dzi kha nyimele yavhuḓi na u vha na dzitswayo kana zwiga?
- Naa meme dzine vhathu vha nga wa nga khadzo dzi na tsimbi kana reili dza u tsireledza kana zwiṅwe zwithu zwo teaho zwa u tsireledza meme
-Naa milindi yo valiwa, u tsireledzwa na u fentseliwa na u swaiwa nga nḓila i vhonalaho u thivhela u wa?
- Fhethu ho kuna nahone matheriala wo vhulungwa zwavhuḓi?
-Naa mbone dzo lingana kana dzi vhonetshela zwavhuḓi?
Ndondolo
-Mabunga a hone nahone a dzula o kuna na u dzula ho fungiwa mbone?
-- Naa hu na ndishi dza u ṱambela, maḓi a bommbi, tshisibe na thaula dzine dza laṱiwa nga murahu ha u dzi shumisa
- hu na fhethu ha u tshintsha, u omisa na u vhea zwiambaro?
-hu na maḓi a u nwa na dzikhaphu?
- hu na fhethu hune vhashumi vha nga dzula vha ita tie kana zwinwiwa zwa u fhisa?
- Naa muṅwe na muṅwe ane a ṱoḓa u shumisa tshomedzo dza ndondolo a nga dzi swikelela nga nḓila i leluwaho nahone nga nḓila yo tsireledzeaho?
Zwikhafula
-Naa zwikhafula zwo dzhenisiwa, u shandukisiwa na u vhofhololwa nga vhathu vha re na vhukoni  kana nḓivho?
- Naa tsimbi dza u ita uri tshikhafula tshi ime tswithithi (uprights) na dzibaseplates zwo ṋetshedzwa (nahone hune zwa vha zwo tea, timber sole plates dzo ṋetshedzwa?
- Naa dziuprights, dzithikho, dzistruts na dzibureisi zwo vhewa ho fanelaho 
- Naa tshikhafula tsho tikiswa na tshifhaṱo nga nḓila ine tsha sa ḓo wa?
- Naa hu na reiḽi dza u tsireledza dzo linganaho na dzitoeboard (bodo dza u thivhela vhathu na zwishumiswa kha u wa, kana zwiṅwe zwithu zwo teaho zwa u tsireledza), kha lumeme luṅwe na luṅwe u itela u thivhela u wa?
- Naa hu na dzibrickguards dza u thivhela matheriala u wa kha tshikhafula
Thaidzo: Itshi tshikhafula tsho vha tshi songo vhofhelelwa kha luvhondo, ngauralo tsho vhea vhutshilo ha vhashumi khomboni.
Naa fhethu hoṱhe ha u shumela ho tsireledzwa nga dzibodo, naa dzibodo dzo vhewa nga nḓila ine vhathu vha sa ḓo wa kana u piringedzwa nga zwithu?
Naa hu na zwithu zwa u thivhela zwavhuḓi kana nḓivhadzo dza u kaidza u thivhela vhathu u shumisa tshikhafula tshi songo fhelelaho, tsumbo, hune fhethu ha u shumela ha vha hu songo tsireledzwa nga dzibodo?
Naa tshikhafula tsho khwaṱha lune tshi nga kona u hwala matheriala wo vhewaho nṱha hatsho na uri wo vhewa nga u lingana?
Naa zwikhafula zwi khou ṱhogomelwa nga nḓila yo teaho?
Naa muthu a re na nḓivho kana vhukoni u a ṱola tshikhafula tshifhinga tshoṱhe, tsumbo, luthihi nga vhege, tshifhinga tshoṱhe musi tsho shandukiswa, u tshinyadzwa na nga murahu ha musi ho vha na mutsho u si wavhuḓi?
Naa mvelelo dza u ṱola dzi a rekhodiwa?
Naa ho dzheniswa zwikhafula zwa thawara zwo teaho nahone zwi khou shumiswa u ya nga ndaela dza vhaṋetshedzi?
Naa mavhili a zwikhafula zwa thawara a vha o khielwa musi tshi tshi khou shumiswa nahone fhethu hune ha khou shumelwa hone hu vha hu si na tshithu musi zwi tshi bvisiwa?
Dziḽeri
Naa ḽeri dzo shumiswa zwavhuḓi malugana na u ita mushumo?
Naa dzi kha nyimele yavhuḓi?
Naa ḽeri dzo ḓitika nga kha fhethu ho khwaṱhaho hu si kha matheriala une u nga vunḓea kana u songo khwaṱhaho?
Naa ḽeri dzo vhofhiwa lune dzi nga si kone u ya ngei na ngei kana u nga dzi ṱoṱomotshela phanḓa?
Naa vhunṱha ha dziḽeri ndi ho teaho u bva he ya gogoḓedzwa hone? Arali zwi songo ralo, naa hu na zwithu zwa u farelela?
Naa ḽeri dzo vhewa nga nḓila ine vhashumisi vha sa ḓo tatamudza kana u ṱharamudza milenzhe?
Tshikhafula a tsho ngo tea u shumiswa sa ḽeri
Mushumo wa ṱhanga
Naa hu na lumeme lune lwa thivhela vhathu kana matheriala u wa?
Nga tshifhinga tsha u ita ṱhanga, ho ṋetshedzwa dzinete malugana na u thivhela vhathu u wa u bva kha ṱhanga na kha mazennge a songo dzheniswaho a fhela?
Naa nete dzo nembeledzwa zwavhuḓi hune ha shumiswa dzinete?
Naa vho sumbedza matheriala u vunḓeaho u fana na shithi dza semennde na mbone dza ṱhangani?
Naa hu na maga a u thivhela vho a dzhiaho u thivhela vhashumi u wa nga kha matheriala u vunḓeaho musi vha tshi khou shuma ṱhangani?
Naa hu na fhethu ho kanulwaho nahone vhashumi vha vhewa kule na fhethu ha nga fhasi ha mushumo wa ṱhanga?
Milindi yo bwiwaho
Naa hu na thikho yo linganaho ya mulindi, kana wo itwa sa kuvhundu, kana u na zwiṱepisi kana ho bwelwaho murahu kha engele yo tsireledzeaho?
Naa ho shumiswa nḓila yavhuḓi ya u vhea thikho, nahone a hu na vhathu vhane vha shuma kha dindi ḽi si na thikho? 
Naa hu na nḓila ya u dzhena mulindini yo tsireledzeaho, tsumbo, hu na ḽeri ndapfu yo teaho nahone yo khwaṱhaho?
Naa hu na dziḽeri tshifhinga tshoṱhe?
Naa hu na zwithivheli kana dziṅwe tsireledzo u thivhela vhathu na zwiendisi u wela?
Naa ho ṋetshedzwa zwithu zwa u thivhela zwo khwaṱhaho u thivhela zwiendisi zwa u shululela zwithu u wela nga ngomu?
Naa zwiendisi zwoṱhe zwo tendelwa u sa sendelesa tsini na dindi hune zwi nga vhanga u mbombomela kana u wela?
Naa milindi i nga kwama u khwaṱha kana vhudziki ha zwifhaṱo zwa nga tsini kana dzitshumelo?
Naa matheriala, masalela (magwada kana mathukhwi) na mitshini na zwishumiswa zwo vhewa kule na lumeme lwa mulindi u thivhela khonadzeo ya u mbombomela kana u wela?
Naa mulindi u a ṱoliwa tshifhinga tshoṱhe nga vhathu vha re na vhukoni kana nḓivho?
Zwithu zwine zwa hwaliwa kana u takuliwa nga zwanḓa
Naa hu na matheriala u lemelaho u no nga sa thikho dza ṱhanga, matombo ane a  shumiswa u ita lumeme kana muṱoḓo vhukati ha bada na phevimennde  zwine zwi nga vhanga thaidzo arali zwo tea u bviswa nga tshanḓa?
Arali zwo ralo, naa vha nga 
Nanga matheriala u fhefhuwaho?
Shumisa wiḽibaro kana girivhani, dzikhireini kana mitshini ya u hwala kana u takula, dzitelehandlers na ḽiṅwe ḽimaga kana fekhiṱhiri kana tshishumiswa u itela uri hu songo vha na u hwala kana u takula nga zwanḓa hunzhi ha thundu kana zwithu zwi lemelaho?
Oda matheriala i no nga sa semennde dzine dzo ṱangana dza vha bege dzine dza lemela 25kg? 
Thivhela u ita mushumo une wa netisa wa u hwala kana u takula  buloko dza u fhaṱa dzine tshileme tshadzo tsha fhira 20kg?
Naa vhathu vho gudiswa na u laelwa nga ha u hwala kana u takula zwithu zwi lemelaho nga nḓila yo tsireledzeaho?
Vhuendi, zwiendisi na mitshini
Naa zwiendisi na vhaendanganayo zwo fhandekanywa nga zwithu zwa u thivhela kana u tsireledza?
Arali zwi songo ralo, naa vha a 
shumisa zwithu zwa u kanula kana u fhandekanya fhethu ha u shumela?
Vha ṋetshedza tsivhudzo nga ha fhethu hu re khombo, na zwine vha nga ita malugana nazwo?
U ṱana kana u vhea tswayo dza u kaidza?
Naa a hu na zwithu tsini na zwiendisi zwa u mona kana u thwisita?
Naa zwi nga konadzea u sa rivesa kana u vhuyela murahu, tsumbo, nga u shumisa sisteme ya nḓila ya u ya fhethu huthihi kana, arali zwi songo ralo, naa hu khou shumiswa vhanna vha u ṋea ngafhadzo vho gudiswaho?
Naa vhuendi na mitshini kana zwishumiswa zwi khou ṱhogomelwa zwavhuḓi, tsumbo, naa tshiḓiraiva, dzimbone, biriki ya tshanḓa na ya mulenzhe zwi khou shuma zwavhuḓi?
Naa vhareili vho wana vhugudisi ho teaho na ṱhanziela dzo teaho malugana na u tshimbidza kana u reila luṅwe lushaka lwa zwiendisi zwa u hwala kana u takula kana mutshini une vha khou shumisa?
Naa thundu yo vhofhiwa zwavhuḓi?
Naa vho khwaṱhisedza uri vhathu vha khou hwaliwa nga vhuendi ho itelwaho u hwala vhathu?
Naa vho khwaṱhisedza uri vhuendi na mitshini a zwi shumiswi fhethu ho tsesaho ha khombo?
Zwiambaro zwa u ḓitsireledza zwi tea u ambariwa tshifhinga tshoṱhe musi hu tshi khou itwa mushumo wa u hwala kana u takula zwithu nga zwanḓa. Vha dzhiele nzhele mushumi muthihi a songo ambaraho magilafu na vhavhili vha si na magondolo.
Dzithulusi na mitshini
Naa hu khou shumiswa thulusi kana mitshini yo teaho mushumo?
Naa zwipiḓa zwoṱhe zwi re khombo zwo tsireledzwa, tsumbo, dzigere, vhareili vha dzitshaini, shafuti dza inzhini dzo ṱoṱomowaho? 
Naa zwithu zwa u tsireledza zwo khwaṱha na u vha kha nyimele yavhuḓi?
Naa thulusi na mitshini zwi kha nyimele yavhuḓi nahone ndi zwishumiswa zwo tsireledzeaho zwine zwa shuma zwavhuḓi?
Naa vhashumisi vhoṱhe vho gudiswa nahone vha na vhukoni?
Zwishumiswa zwa u hwala kana u takula /Dzikhireini
Naa tshishumiswa tsho dzheniswa nga muthu a re na vhukoni?
Naa vhatshimbidzi vho gudiswa na u vha na vhukoni?
Naa tshilinganyo kana vhungafhani ha zwithu zwine zwa tea u hwaliwa kana u takuliwa zwo sumbedzwa zwavhuḓi?
Naa tshishumiswa tshi na muvhigo wa zwino kana tsho ṱoliwa nga vhuḓalo na rekhodo ya u ṱola?
Naa hu na fhethu ho teaho ho valiwaho u itela u thivhela vhathu kha u thuliwa kana u rwiwa nga tshipiḓa tshiṅwe na tshiṅwe tsha tshishumiswa tsha u hwala kana u takula?
Naa gethe dza u ḽaisulula dzi dzula dzo valiwa nga nnḓa ha musi pulatifomo i tshi khou laisulula? 
Zwa shishi
Naa hu na maitele a shishi, tsumbo, a u bvisa vhathu fhethu ha u  fhaṱa musi hu na mulilo?
Naa vhathu vha re fhethu ha u fhaṱa vha a ḓivha nga ha maitele?
Naa hu na aḽamu ya u lidza, nahone i thesitiwa lungana?
Naa hu na nḓila ya u kwama vha tshumelo ya shishi fhethu ha u fhaṱa?
Naa hu na nḓila dza u bva kana u shavha dzo linganaho nahone dzi khagala kana dzi a vhonala?
Naa hu ṋetshedzwa thusoṱhanzi yo linganaho?
Mulilo
Naa matheriala wa u duga, zwiluḓi zwa u duga na gese dza u duga a zwinzhi?
Naa wo vhewa zwavhuḓi?
Naa dzisilindara dza gese ya u duga dzi a vhuyiselwa fhethu ha u vhulunga hune ha dzhena muya musi shifthi yo fhela?
Naa silindara dzo ḓalaho na dzi si na tshithu dzi a vhewa thungo na thungo na u swaiwa zwavhuḓi?
Naa zwiko zwa u daha na zwiṅwe zwa u funga mulilo zwo iledzwa fhethu hune gese dza u duga kana zwiluḓi zwa u duga zwa vhewa kana zwa shumiswa?
Naa silindara dza gese, dziphaiphi dzadzo na zwishumiswa zwi a ṱhogomelwa zwavhuḓi na u vha kha nyimele yavhuḓi?
Musi silindara dza gese dzi sa khou shuma, naa vaḽivu dzadzo dzi vha dzo valwa dza khwaṱha?
Naa malaṱwa ane a duga a a bviswa tshifhinga tshoṱhe na u vhewa kha bini dzo teaho kana bini ḽa malaṱwa fhethu hune ha khou fhaṱiwa?
Naa hu na zwidzimamililo zwo teaho?
Matheriala wa khombo
Naa vho sumbedza matheriala woṱhe u re khombo une wa fana na asibesitosi, mutobvu, tshinwisi, dzipennde, semennde na buse? 
Naa vho vhuya vha sedza uri hu nga vha hu tshi ṱoḓea rakonṱiraka a re na ḽaisentsi malugana na u shumana na asibesitosi i re fhethu ha u shumela? (Mishumo minzhi i re na asibesitosi i ṱoḓa ḽaisentsi, naho vha tshi nga ita mushumo muṱuku nga matheriala une wa vha na asibesitosi vha si na ḽaisentsi )
Naa vho sumbedza na u vhea maga a u tsireledza kana u langa matheriala une wa vha khombo nga u:
ita mushumo nga iṅwe nḓila, u itela u bvisa tshoṱhe khombo?
-	Shumisa matheriala une wa si vhe khombo nga maanḓa?
-	Shumisa thulusi dzine dza vha na tshithu tsha u bvisa buse?
-    Naa vhashumi vho vha vha na nḓivho na vhugudisi uri vha kone u ḓivha uri khombo ndi dzifhio u bva kha matheriala wa khombo une wa shumiswa na u bveledzwa fhethu ha u shumela, na zwine vha tea u ita malugana na u thivhela khombo dzenedzo?
- Naa vho no wana maitele kana nḓila dza u thivhela u kwama semennde yo nukalaho (vhunga izwi zwi tshi nga vhanga vhulwadze ha lukanda na u fhiswa nga semennde)?
Naa vho dzudzanya u ṱola mutakalo wa vhathu vhane vha shumisa matheriala u re khombo (tsumbo, mutobvu)
Naa hu na zwidzimamulilo zwo teaho?
Phosho
- Naa vhashumi vha na nḓivho kana mafhungo na vhugudisi u itela uri vha kone u ḓivha uri ndi khombo dzifhio dzine dza vhangiwa nga phosho, na uri vha tea u ita mini u thivhela khombo dzenedzo?
- Naa vho wana na u asesa vhashumi vhane vha shuma fhethu hune ha vha na phosho?
- Naa phosho i nga fhungudzwa nga u shumisa dziṅwe nḓila dzo fhambanaho dza u shuma kana u nanga miṅwe mitshini kana zwishumiswa zwi si na phosho, tsumbo, kana nga u shumisa zwishumiswa zwa u pwasha matombo kana zwiṅwe na zwiṅwe zwishumiswa kana mitshini ya u ita uri phosho i songo pfala? 
- Naa vhathu vhane vha sa khou ita mushumo wonoyo vha vhetshelwa kule na tshiko tsha phosho? 
- Naa vho ṋetshedzwa zwithu zwa u tsireledza dzinḓevhe nahone zwi a ambariwa fhethu hune ha vha na phosho?
- Naa fhethu hune ha tea u ambariwa zwithu zwa u tsireledza nḓevhe ho sumbedzwa nga luswayo?
- Naa vho dzudzanya uri mutakalo wa vhathu vhane vha shuma hune ha vha na phosho khulwane u ṱoliwe?
Naa vho ṋetshedzwa zwithu zwa u tsireledza dzinḓevhe nahone zwi a ambariwa fhethu hune ha vha na phosho?
Zwishumiswa zwine zwa dzinginyisa zwanḓa (Hand-arm vibration)
- Naa vhashumi vho vha vha na mafhungo kana nḓivho na vhugudisi u itela u ḓivha uri zwishumiswa zwa u dzinginyisa zwanḓa zwi na khombo dzifhio fhethu ha u fhaṱa, na uri vha tea u ita mini u thivhela khombo dzenedzo?
- Naa vho kona u wana na u asesa khombo kha vhashumi vhane vha shumisa zwishumiswa zwa u dzinginyisa zwanḓa tshifhinga tshilapfu zwi no fana na zwipwasha matombo, giraindara dza engele kana hamula dza u ḓirila kana u vhora? 
- Naa u shumisa HAV ho fhungudzea nga hune zwi nga konadzea nga u shumisa nḓila dzo teaho mushumo na zwishumiswa kana mutshini?
- Naa zwishumiswa zwa u fhungudza u dzinginyea zwi a shumisiwa hune zwa konadzea?
- Naa zwishumiswa kana thulusi dza u dzinginyisa dzi a ṱhogomelwa zwavhuḓi?
- Naa vho dzudzanya uri mutakalo wa vhathu vhane vha shuma nga zwishumiswa zwa u dzinginyisa zwanḓa vha ṱoliwe, nga maanḓa arali vho shuma lwa tshifhinga tshilapfu?
Naa zwishumiswa kana thulusi dza u dzinginyisa zwanḓa dzi a ṱhogomelwa zwavhuḓi?
Muḓagasi na dziṅwe tshumelo
- Naa tshumelo dzoṱhe dzo teaho dzo ṋetshedzwa fhethu ha u shumela phanḓa ha musi mushumo u tshi thoma nahone vho kona u wana uri ndi tshumelo dzifhio dzine dza vha hone henefho (tsumbo, thambo dza muḓagasi, netiweke ya dzithambo/ meini dza gese) na u dzhia maga o teaho hune zwa vha zwo tea, u thivhela khombo khavho?
- Naa vha khou shumisa maanḓa maṱuku  a muḓagasi kha dzithulusi na tshishumiswa,  tsumbo, zwishumiswa zwine zwa shuma nga beṱiri kana nga sisṱeme dza maanḓa maṱuku? 
- Naa dzikhebulu na dziḽidi zwo tsireledzwa uri zwi songo tshinyala?
- Naa u ṱumiwa hoṱhe kha sisṱeme ho itwa nga nḓila yo teaho nahone ho shumiswa puḽaka dzo teaho?
- Naa dzithulusi na zwishumiswa zwo sedzuluswa kana u ṱolwa nga vhashumisi, zwa sedziwa nga maṱo fhethu ha u fhaṱa na u ṱoliwa tshifhinga tshoṱhe na u thesitiwa nga muthu a re na vhukoni kana nḓivho?
- Naa thambo dza muḓagasi dzo dzumbamaho na dziṅwe tshumelo zwo waniwa (tsumbo, nga tshithu tsha u ṱoḓa na dzipulani) na u swaiwa, na uri vho dzhia maga a u thivhela u itela u shuma vho tsireledzea?
Hune ha vha na thambo dzine dza tshimbila nga nṱha, muḓagasi wo dzimiwa, kana ho dzhiiwa maṅwe maga a u thivhela, u fana na u ita mapala a bola kana tswayo dzo nambatedzwaho nga theiphi
Mabogisi a u langa muḓagasi a tea u dzula o tsireledzwa na u khiiwa zwavhuḓi
U tsireledza tshitshavha kana vhathu
- Naa fhethu ha u shumela ho fentseliwa uri vhathu vha songo kona u dzhena?
     - Naa fhethu hune ha khou shumiwa badani ho tsireledzwa na u fungiwa?
     - Naa vhathu vho tsireledzwa kha matheriala u no wa?
     - Musi mushumo wo ima lwa ḓuvha ḽeneḽo:
     1. Naa nga matungo a fhethu hune ha khou fhaṱiwa ho tsireledzwa zwavhuḓi?
     2. Naa ḽeri dzoṱhe dzo bvisiwa na zwiṱepisi zwadzo zwa valiwa nga bodo uri zwi songo shumiswa?
     3. Naa milindi yo bwiwaho yo valiwa na u fentseliwa?
     4. Naa mitshini yo itwa uri i songo shumisea u thivhela u shumiswa zwi songo tea?
     5. Naa zwidina na matheriala zwo pakiwa kana u ṱhophiwa nga nḓila yo teaho?
     6. Naa matheriala u dugaho kana wa khombo wo vhewa fhethu ho khielwaho ha khwaṱha ho tsireledzeaho?
Muthu ane a tea u kwamiwa
Muhasho wa zwa Mishumo
Ofisi Khulwane
Dairekhothoreithi Khulwane ya Mutakalo na Tsireledzo Mushumoni
Vho – Rhoda Mbeki (012) 309 4388
Vho – Phumudzo Maphaha (012) 309 4389
Vho – Tibor Szana (012) 309 4389
