MEC a vho ngo vhonwa mulandu malugana na vhuḓifari vhu si havhuḓi

Vho Dr Aaron Motsoaledi vhe vhe vha vha MEC ya Pfunzo ngei Limpopo a  vho ngo wanwa mulandu wa vhuḓifari vhu si havhuḓi nga Mutsireledzi wa Tshitshavha Vho Lawrence Mushwana nga murahu ha musi ho itwa ṱhoḓisiso malugana na u humbulelwa malugana na u shumisa maanḓa nga nḓila i si yavhuḓi na u sa fhulufhedzea. 

Hu khou humbulelwa uri, musi vha kha ḓi vha ṱhoho ya zwa poḽotiki kha Muhasho wa Pfunzo wa Vundu, Vho Dr Motsoaledi vho nanga vhaṅwe vhaṋetshedzi kana vho sumbedza dzangalelo kha vhaṅwe vhaṋetshedzi vha fanitshara ya tshikolo na kilasi dzine dza sudzulusea  vhe vha humbela uri vha ṋetshedzwe konṱiraka ya nḓisedzo ya thundu kha Muhasho. 

Muhweleli o dovha hafhu a bula uri vhaṋetshedzi vho bulwaho vha khou humbulelwa u vha khonani dza Vho Dr Motsoaledi na uri vho ṋewa ‘mpho ya u ḓura’ ya goloi ngavho. 

U ya nga muhweleli, Muhasho we wa vha u tshi khou tevhedzela ndaela dza Vho Dr Motsoaledi, wo pfukha Ndaulo dza Ndangulo ya Ndunzhe ndunzhe ya nḓisedzo, yo bviswaho u ya nga Mulayo wa Ndangulo ya Masheleni a Muvhuso (Public Finance Management Act (PFMA). 

Musi ṱhoḓisiso dzi tshi sumbedza uri milandu ine ya khou pomokwa MEC na vhaṅwe vhaofisi a si zwa vhukuma, dzo dovha hafhu dza bvisela khagala uri Muhasho a u na mbekanyamaitele ya u renga thundu, sa zwine zwa ṱoḓiswa zwone nga PFMA. 

“U kundelwa ha Muhasho u bveledza na u shumisa Sisiteme ya Ndangulo ya Ndunzhendunzhe ya nḓisedzo yavhuḓi, sa zwine zwa ṱoḓiswa zwone nga dziPFMA ndi thaidzo khulwane nga maanḓa,” Vho ralo vho Adv. Mushwana. 

Vho themendela uri Muhasho u tevhedzele PFMA, u bveledze na u ṱhogomela sisiteme ya u renga thundu ine ya si dzhie sia, ine ya pfesesea, i sa ḓuri nahone i vhuyedzaho.

