Mutholi u ḓo vha fha ḽivi ine ya ṋetshedzwa vhane vha si tshe na ḽivi ya vhulwadze yo ḓoweleaho nga murahu ha musi ho sedzwa mvelelo dza ṱhoḓisiso kha vhuvha na vhungafhani ha ḽivi yeneyo.
Mutholi u ḓo langula na u sedzulusa khumbelo yavho, a tshi khou thuswa nga Mulanguli wa Khombo dza Mutakalo, u ya nga ha Pholisi na Maitele a ḽivi ine ya ṋekedzwa vhane vha si tsha vha na bvi ya vhulwadze yo ḓoweleaho na u notha nga mulandu wa mutakalo u si washu ḽi. Hu nga kha I o iswa uri hu itwe dziṅwe ndingo dza mutakalo sa tshipiḓa tsha ṱoḓisisa uri mutholi a kone u dzhia tsheo a na nḓivho malugana na bvi ine ya ṋekedzwa vhane vha si tshe na bvi ya vhulwadze yo ḓoweleaho ine ya khou bvela phanḓa kana sa tsumbo, khonadzeo ya u shandukisa kana u dzudzanya vhupo ha mushumoni kana muṅwe mushumo wa thungo.
Mutholi u ḓo livhadza nga ha mawanwa na u dzhia maga kana vhukando u ya nga mawanwa awe.
U NOTHA NGA MULANDU WA MUTAKALO U SI WAVHUḒI NDI MINI?
Musi vha si tsha kona u shuma lwa tshoṱhe u ya nga zwiitisi zwi bvaho ha dokotela, vha nga vhofhololwa kana vha notha mushumoni kha Tshumelo ya Muvhuso vha tshi khou itiswa nga mutakalo wavho.
Muṅwe kha vhone na mutholi u fanela u sumbedza uri vha tea u notha zwi tshi khou itiswa nga mutakalo wavho u si wavhuḓi arali vha tshi khou vhona u nga a vha tsha kona u shuma lwa tshoṱhe .
Arali vho ita khumbelo ya ḽivi ya vhulwadze ine ya ṋekedzwa vhane vha si tshe na ḽivi yeneyo, ṱhoḓisiso dza sumbedza uri vha nga si tsha kona u shuma lwa tshoṱhe , vha nga kha di shandukisa khumbelo ya ḽivi ya vhulwadze ine ya ṋekedzwa vhane vha si tsha vha na ḽivi yeneyo ya vha khumbelo ya u notha nga mulandu wa mutakalo u si wavhuḓi .
VHUḒIFHINDULELI HAVHO NDI VHUFHIO?
Vha ḓo humbelwa u ḓadza fomo dza khumbelo dza u notha nga mulandu wa mutakalo u si wavhuḓi .
U isa ṱhanziela ya dokotela na vhuṅwe vhuṱanzi na mivhigo ya u tikedza ya dzilafho ine ya vha hone na maṅwe mafhungo na khumbelo. Kha vha sedze hafhu kha ṱhanganedzo ya ṱhanziela dza Dokotela.
U tevhedza na u ṱhonifha milanga ya dziṅwe ndingo dza dokotela dzo dzudzanywaho dzo humbelwaho na u dzudzanywa nga Mulanguli wa Khombo dza Mutakalo wa Mutholi.
MUTHOLI U NA VHUḒIFHINDULELI VHUFHIO?
Mutholi u ḓo langula na u ṱolisisa khumbelo yavho, a tshi khou thuswa nga Mulanguli wa Khombo dza Mutakalo, u ya nga ha PILIR. Vha nga kha di tondiwa uri vha ite dziṅwe ndingo sa tshipiḓa tsha ṱhoḓisiso u itela uri mutholi a kone u dzhia tsheo a na ndivho malugana na khonadzeo ya u notha nga mulandu wa mutakalo u si wavhuḓi , kana arali hu u sa tsha kona u shuma lwa tshoṱhe , u ri a kone u dzhia tsheo a na ndivho kha, sa tsumbo, khonadzeo ya u shandukisa vhupo ha mushumoni kana muṅwe mushumo wa thungo.
Mutholi u ḓo vha ḓivhadza nga mawanwa na u dzhia maga kana vhukando u ya nga mawanwa.
ṰHANGANEDZO YA ṰHANZIELA YA DZILAFHO YA DOKOTELA!
Malugana na ḽivi ya vhulwadze yo ḓoweleaho , ṱhanziela ya dokotela yo bviswaho na u sainwa nga dokotela kana vhathu vho tendelwaho u ita dzindingo na u alafha vhalwadze nahone vho ḓiṅwalisaho na khoro dza phurofeshinala dzo thomiwaho nga Mulayo wa Phalamennde dzi ḓo ṱanganedzwa
Khoro ya Phurofesheni dza Mutakalo ya Afrika Tshipembe
Khoro ya Vhuongi ya Afrika Tshipembe.
Malugana na ḽivi ya vhulwadze ine ya ṋekedzwa vhane vha si tshe na ḽivi ya vhulwadze yo ḓoweleaho mutholi u ḓo ṱanganedza fhedzi ṱhanziela dza dzilafho dza dokotela dzo bviswaho na u sainiwa nga madokotela o ḓiṅwalisaho na Khoro ya Phurofesheni dza Mutakalo ya Afrika Tshipembe na vhathu vho tendelwaho lwa mulayo u ita dzindingo na u alafha vhalwadze..ṱanziela dzenedzo, nga thendelo yavho, dzi tea u vha dzi tshi khou .ṱalutshedza vhuvha na vhungafhani ha vhulwadze na mafuvhalo.
ṱanziela ya dokotela kana ya dzilafho i fanela u vha yo fara mafhungo a tevhelaho:
Dzina, ḓiresi na ndalukanyo dza dokotela.
Dzina na mulwadze.
Datumu na tshifhinga tsha ndingo.
Uri naa dokotela u bvisa ṱhanziela u ya nga zwe a wana nga tshifhinga tsha dzindingo, kana u ya nga mafhungo e a a wana kha mulwadze nahone yo thewaho kha vhulangi vhu ṱanganedzeaho ha zwa dzilafho.
Ṱhalutshedzo ya vhulwadze, tenda mulwadze a vha o ṋetshedza thendelo ya u bvisela khagala mafhungo yeneo .
Uri mulwadze ho ngeo tsha .imisela u shuma kana a nga shuma mishumo i leluwaho.
Tshifhinga tsha ḽivi yo themendelwaho na u bviswa ha ṱhanziela ya malwadze.
Dzina la dokotela arali a tshi shumisa ṱhanziela dza dzilafho dzine dza dzula dzo ṅwaliwa , maipfi ane a si kwame mulwadze a thuthiwa .
Vha khou fhulufhedziswa uri mutholi, u ya nga pfanelo dza ndayotewa dza tshiphiri, Khoudu ya Vhuḓifari kha Milayo ya Tshumelo ya Muvhuso, u ḓo vhona uri tshifhinga tshoṱhe mafhungo malugana na nyimele ya mutakalo wa mushumi a a ṱhonifhiwa na uri a vhe tshiphiri. U sa KHA VHA DZHIELE NZHELE!
Mutholi a nga dzhiela nṱha na u thoma ṱhoḓisiso dza khumbelo yavho fhedzi musi vho rumela fomo yo ḓadziwaho zwavhuḓi na maṅwalo oṱhe ane a hodea . Iswi zwi katela na u vhuyelela ha dokotela uri a ḓadze kana a ṅwale muvhigo wo teaho une wa vha tshipiḓa tsha fomo dza khumbelo. Fomo ya khumbelo i songo ḓadzwaho zwavhuḓi i nga ita uri vha si kone u wana ḽivi ine ya ṋekedzwa vhathu vhane vha si tsha vha na ḽivi ya vhulwadze yo ḓoweleaho kana u notha nga mulandu wa mutakalo u si wavhuḓi .
Arali vha-
tshi doda tshifhinga tsha u ya u vhona dokotela, therapisiti, na , malugana na mutakalo wavho; kana songo vha hone mushumoni tshipiḓa tsha ḓuvha nga mulandu wa vhulwadze kana fuvhalo; kana vho holefhala vha tshi doda u ya u lugisa tshithu tshine vha tshi shumisa nge vha holefhala,
Mutholi u ḓo vha tendela u fhidza malugana na zwenezwo. Mutholi u ḓo rekhoda zwifhinga zwenezwo zwe vha zwi shumisa kana vha fhidza mushumoni u swikela zwi tshi ita ḓuvha ḓo fhelelaho. Ḓuvha kana maḓuvha yeneo a ḓo thuswa kha ḽivi yavho ya vhulwadze.
Kha nyimele yeneyo vha ḓo humbelwa uri vha ḓadze redzhisiṱara ya u sa vha hone mushumoni hu tshi itelwa uri hu vhe na rekhodo yazwo.
Hu ḓo dzea vhuṱanzi malugana na zwiwo zwenezwo.
