U PEMBELELA ḒVHA ḼA AFURIKA
Ḓuvha ḽa Afurika ḽi pembelelwa ṅwaha muṅwe na muṅwe nga ḽa 25 Shundunthule
Dzangano ḽa Vhuthihi ha Afurika (OAU) ḽo vhumbwa nga dzi 25 Shundunthule 1963 ngei Adis Ababa, Ethiopia
U elelwa vhuṱambo uhu, Ḓuvha ḽa Afurika ḽi ḓo vha ḽi tshi khou pembelelwa lwa vhu 48 uno ṅwaha
Dzangano ḽa OAU ḽo rangela ḽa Vhuthihi ha Afurika (AU) ḽe ḽa rwelwa ṱari ngei Durban, Afurika Tshipembe nga ḽa 9 Fulwana 2002
Hu na mashango a 54 Afurika hune a 53 a vha miraḓo ya AU. Shango ḽa Morocco a si muraḓo wa AU. 
AU ḽo ḓisa dzhango ḽa Afurika huthihi, shuma na vhunzhi ha khaedu dzaḽo u fana na khuḓano dza u ḓiṱama nga zwiṱhavhane, tshanduko dza kilima , na vhushai.
NDEME YA ḒUVHA ḼA AFURIKA
Duvha ḽa Afurika ndi vhuṱambo ha Afurika, vhathu vhaḽo na vhuthihi
Ndi u ṱanganedza mvelaphanḓa ye ya itwa nga vhathu vha Afurika na u sumba khaedu dzi fanaho dzine ra ṱangana nadzo kha vhungomu ha ḽifhasi
MUSHUMO WA DZANGANO ḼA VHUTHIHI HA AFURIKA (AU) KHA DZHANGO
AU ndi tshiimiswa tsha ṋtha tsha u alusa ṱhanganyo ya ikonomi na matshilisano a dzhango, u itela vhuthihi ha ndeme na madzangalelo guṱe a mashango na vhathu vha Afurika
AU ḽo ḓisendeka kha bono-guṱe ḽa dzhango ḽa vhuthihi ho khwaṱhaho
Ḽi dovha hafhu ḽa ḓisendeka kha ṱhoḓea ya u fhaṱa vhufarakani vhukati ha mivhuso na madungo oṱhe a tshitshavha tshapo, nga maanḓa vhafumakadzi, vhaswa na sekhithara ya phuraivethe
Sa dzangano ḽa dzhango, ḽi sedzana na mulalo, vhutsireledzi na vhudziki, na uri ndi tshidziki tsha mvusuludzo ya dzhango 
Ndivho ya AU ndi u tsireledza pfanelo dza vhathu na pfareledzo ya ikonomi dza Afurika, nga maanḓa u fhelisa khuḓano na u sika maraga muthihi u bveledzaho.
BONO
Bono ḽa Vhuthihi ha Afurika ndi: “Afurika ḽo ṱanganelaho, ḽi bvelaho phanḓa ḽa mulalo, ḽine ḽa tshimbidzwa nga vhadzulapo vhaḽo ḽi imelaho maanḓa a fulufulu kha arena ya ḽifhasi”.
MISHUMO-GUṰE YA DZANGANO ḼA VHUTHIHI HA AFURIKA
Vhathu vha Afurika vho rangela mishumo guṱe ya AU nga u:
Tsireledza vhupo
Lwa na vhuthororisi ha dzitshakhatshakha
Thivhela u vha hone ha dwadze-tshifu ḽa HIV/EIDZI, malaria na lufhiha
u dzudzanya mafhungo a vhuthu u fana na vhuleme vhu shushaho ha vhafhalali  na vhathu vha si na vhudzulo
u andisa mulalo, vhutsireledzi na vhudziki na u tshimbidza nyanḓano na mvelaphanḓa Afurika
khwaṱhisa vhuthihi ha madzangelelo kha dzhango ḽothe na u fhaṱa vhumatshelo vhu fanaho kha vhathu vha Afurika
AFURIKA TSHIPEMBE NA ḒUVHA ḼA AFURIKA
Vhuṱambo ha u elelwa Ḓuvha ḽa Afurika vhu khwathisa mushumo we wa itwa na u dzhenela ha Afurika Tshipembe kha mbekanyamushumo ya dzhango
Ḓuvha ḽa Afurika ḽi shuma sa ḓuvha ḽa u pembelela vhufa hashu ha Afurika, na u sumbedza ḓivhazwakale na mvelele ya dzhango nga vhutsila 
U dzhenisa vhupfa ha vhuḓifhinduleli kha vhothe, nga maanḓa vhaswa, u khwinisa ndeme ya vhutshilo ha vhathu vhoṱhe vha kwameaho kha vhupo ha matshilisano, u katela:
Mutakalo na vhutsireledzi
Mvusuludzo ya mvumbo
Vhuthihi ha matshilisano na pfunzo
Kha u pembelela Ḓuvha ḽa Afurika, ri na tshifhinga tsha u vusuludza vhuḓikumedzeli hashu, dzhango ḽa Afurika na khovhekanyo ya vhufa hashu na vhumatshelo
MUSHUMO WA PHALAMENNDE YA RIPHABUḼIKI YA AFURIKA TSHIPEMBE
Phalamennde ya Riphabuḽiki ya Afurika Tshipembe i shela mulenzhe kha  vhunzhi ha madzangano a Afurika, u katela na Pan African Parliament (PAP) na Foramu ya Phalamennde ya SADC  (SADC PF)
Hu tshi tevhelwa phoḽisi ya mashango a nnḓa ya shango, Phalamennde ya Afurika Tshipembe i ṋea tshenzhemo  yo khetheaho kha Afurika kha mutheo waḽo wa phoḽisi ya dzitshakhatshakha . Izwi zwi katela u dzhenela kha maguvhangano a vhusimamilayo a mashango hune Muvhuso wa Afurika Tshipembe wa vha u hone kha ndingo dza u fhaṱa mulalo
Uno ṅwaha Phalamennde ya Afurika i ḓo vha i tshi khou swielela African Dialogue nga 22 Shundunthule ine ya ḓo tevhelwa nga khanedzano nga ḽa 25 Shundunthule dzi re na thero  “African renewal, advancement and development” kha u pembelela Ḓuvha ḽa Afurika
AFURIKA NA ZWI BVELELAHO 2011
Foramu ya Ikonomi ya Afurika 2011: Cape Town, Afurika Tshipembe, 4-6 Shundunthule 2011
Thero: “U bva kha Bono u ya kha Nyito, Ndima i tevhelaho ya Afurika
Foramu ya Ikonomi ya Afurika ndi dzangano ḽi ḓilangaho ḽa dzitshakhatshakha ḽo ḓiimiselaho u khwinisa tshiimo tsha ḽifhasi nga u shumisa vharangaphanḓa vha mabindu, poḽitiki, akhademi na vhaṅwe vha tshitshavha u nea tshivhumbeo tshiswa tsha mbekanyamushumo dza ḽifhasi, dzingu na nḓowetshumo.
Khongorese na Ṱano ḽa Mutakalo ḽa Afurika 9-11 Shundunthule, 2011
 Khongorese na Ṱano ḽa Mutakalo ḽa Afurika ḽi ḓo rwelwa ṱari nga Shundunthule 2011  ngei Johannesburg Expo Centre, Nasrec, Afurika Tshipembe. Dzangano ḽa Africa Health ḽi ḓo ṋetshedza ṱano ḽa maḓuvha mararu ḽi tshi khou ṋetshedza mutevhe wo fhambananaho wa ṱhoho dza thero dzi yelanaho na ndondolo ya mutakalo Afurika, na uri i ḓo kunga vhoradzipfunzo vha zwigidi u bva kha madzingu na u mona na ḽifhasi khoroni dzaḽo
NEW AFRICA DAY FESTIVAL 27 – 29 Shundunthule
U pembelela Ḓuvha ḽa Afurika, ndi nga Shundunthule 27 - 29 Johannesburg, u ḓiphina nga vhuṱambo ha mafhelo a vhege ane a pfi Sanaa Afurika, Muya wa u Pembela u ḓo katela tshidziki tsha mutevhetsindo wa Afurika na muya u takadzaho, u swielela vhutsila vhu nyanyulaho ha dzhango, vhuḓimvumvusi, muzika na zwiṅwe.   
MAṄWE MAḒUVHA A NDEME A AFURIKA 
Ḓuvha ḽa16 Fulwi ḽa African Child 
Ḓuvha ḽa 9 Fulwana ḽa Vhuthihi ha Afurika 
Ḓuvha ḽa 25 Khubvumedzi ḽa Pan African Women
