Khumbelo ya ṱhanziela ya mbingano halutshedzo
Maga a tevhelwaho
Milayo i shumiswaho
Maitele na tshifhinga tsha u itwa ha tshumelo
Mbadelo adzwa
Zwidodombedzwa zwa vhukwamanyi
Ṱhalutshedzo
Ṱhanziela ya mbingano i shuma sa vhuṱanzi ha uri vho mala kana u malwa. Mbingano i tea u itwa huna vhathu vha khou malanaho, ṱhanzi mbili dzine dza vha dzo fara maṅwalo adzo a vhuṋe, na muofisiri wa mbingano.
Maga a tevhelwaho
Vhathu vha malanaho vha tea u vha na maṅwalo a vhuṋe na fomo yo ḓadzwaho ya BI-31.
Vha tea u ḓadza fomo ya khumbelo BI-130 ofisini iṅwe na iṅwe ya Muhasho wa zwa Muno. Khumbelo i nga itwa ofisini iṅwe na iṅwe ya Muhasho wa zwa Muno kana embasini kana mishinini wa Afrika Tshipembe arali khumbelo vha tshi khou i ita vhe nnḓa ha Afrika Tshipembe.
Mbingano i tea u khwaṱhisedzwa nga muofisiri wa mbingano wa zwa vhurereli kana wa dzangano kana muimeleli wa Muhasho wa zwa Muno.
Mbingano i tea u itwa kerekeni, kana tshifha ṱoni tshi shumiselwaho zwa vhurereli fhedzi, ofisini ya tshitshavha kana nḓuni. Arali muṅwe wa vha malaho a vha o vhaisala nga maanḓa kana a tshi khou lwalesa, mbingano i nga itwa vhuongeloni.
Vhathu vhane vha si vhe vhadzulapo vha Afrika Tshipembe nahone vha ṱo ḓaho u malana Afrika Tshipembe vha tea u vha na phasipoto dza vhukuma nahone vha ḓadze fomo ya khumbelo BI-31.
Vhavhili vha malanaho, ṱhanzi mbili na muofisiri wa mbingano vha tea u saina Redzhisita ya Mbingano musi vha tshi tou fhedza u malana.
Mbingano ya Thanga ya Murole:
Thanga ya Murole ndi vhathu vhane vha vha nga fhasi ha miṅwaha ya 21 vha saathu u vhuya vha mala. Nga mulayo, vhe vha vhuya vha mala nahone mbingano ya fhela nga lufu kana ṱhalano, a vha tsha vha thanga ya murole.
Thanga ya murole i tea:
U ḓisa luṅwalo lwa thendelo lu bvaho kha vhabebi na/kana vhalondoti, nahone lu fhelekedzwe nga fomo yo ḓadzwaho ya BI-32. Thanga ya murole i nga ita khumbelo ya thendelo kha Khomishinari wa Ndondolo arali mubebi kana vhabebi vha sa wanalei kana vha sa ḓivhi uri vha nga tendela hani mbingano.
Thanga ya murole i nga ita khumbelo ya thendelo kha Muhaṱuli wa Khothe Khulwane ya vhuponi honoho arali mubebi na/kana Khomishinari a tshi hana u tendela mbingano.
Vhathu vho ṱalaho vha ṱo ḓaho u mala/malwa hafhu vha tea u ḓisa vhuṱanzi ha ṱhalano. Kha vha ṋekane nga afidaviti arali huna tshiitisi tshi vha thithisaho u bvisa vhuṱanzi uvho kana arali vho ṱala shangoni ḽa nnḓa nahone vha nga si kone u wana vhuṱanzi uvho. Afidaviti i tea u amba uri muiti wa khumbelo o ṱala, i bule dzina ḽa khothe he a ṱala hone, na ḓuvha ḽa ṱhalano.
Vhathu vho lovhelwaho nga vhamu ṱani vhane vha tama u mala/malwa hafhu vha tea u ṋekana nga ṱhanziela ya lufu lwa vhamu ṱani wavho vho lovhaho. Kha vha ṋekane nga afidaviti arali ṱhanziela ya lufu i siho. Afidaviti i tea u ombedzela dzina ḽa mufu na ḓuvha ḽa lufu.
Milayo i shumiswaho
Maitele na tshifhinga tsha u itwa ha tshumelo
Ṱhanziela ya mbingano ya tshikhau: I bviswa zwenezwo.
Ṱhanziela ya mbingano i si ya tshikhau: Khumbelo dzi nga dzhia vhage dza rathi uya kha dza malo.
Mbadelo
Ṱhanziela ya mbingano ya tshikhau: R11
Ṱhanziela ya mbingano i si ya tshikhau: R53
Fomo dzi teaho u ḓadzwa
BI-130
BI-31
BI-32
Zwidodombedzwa zwa vhukwamani
