Khumbelo ya phasipoto ya ṅwana
Maga a tevhelwaho
Milayo i shumiswaho
Maitele na tshifhinga tsha u itwa ha tshumelo
Mbadelo
Zwidodombedzwa zwa vhukwamanyi
Ṱhalutshedzo
Phasipoto ya ṅwana ndi dokumenthe ine ya ṱo ḓea musi ṅwana a tshi dalela ḽi ṅwe shango. Phasipoto ya ṅwana i ṋewa vhana vha Afrika Tshipembe vhane vha vha nga fhasi ha miṅwaha ya 16. I a ṱanganedzwa mashangoni oṱhe nga nnḓa ha musi ho ṅwalwa uri a i nga ṱanganedzwi huṅwe. I vha lwa mulayoni miṅwaha miṱanu u tou bva ḓuvha ḽe ya bviswa.
Maga a tevhelwaho
Kha vha ḓadze fomo ya khumbelo BI-73 vha i ise ofisini ya tsini ya Muhasho wa zwa Muno. Kha vha ite khumbelo embasini kana mishinini wa Afrika Tshipembe arali zwazwino vha tshi dzula nnḓa ha Afrika Tshipembe.
Kha vha ṋekane nga ṱhanziela ya mabebo ya ṅwana.
Kha vha ḓe na zwinepe zwivhili zwa phasipoto.
Thendelo ya vhabebi vhoṱhe kana vhalondoti vha ṅwana i a ṱo ḓea phanḓa ha musi ṅwana a tshi nga ṋewa phasipoto.
Kha vha ḓe na ṱhanziela ya lufu arali muṅwe mubebi wa ṅwana o lovha.
Hune thendelo ya ṋewa nga mulondoti wa ṅwana, zwidodombedzwa zwa vhulondoti zwi tea u ṱalutshedzwa.
Nga fhasi ha zwiṅwe zwa tshipentshela, hune zwi nga si konadzee uri mubebi a ṋee thendelo kha fomo ya khumbelo, hu tea u vha na luṅwalo lwa thendelo lu bvaho kha mubebi ane a vha uri haho.
Arali mubebi a hana u ṋea thendelo, khothe i tea u dzhia tsheo kha iḽo fhungo. Khophi ya ndaela ya khothe i tea u fhelekedza fomo ya khumbelo ya phasipoto.
Arali vhabebi vho ṱalana, thendelo ya vhabebi vhoṱhe i a ṱo ḓea, nga nnḓa ha musi ndaela ya khothe yo bula zwiṅwe .
Milayo i shumiswaho
Maitele na tshifhinga tsha u itwa ha tshumelo
Tshumelo iyi i nga dzhia vhege dza rathi uya kha dza malo.
Mbadelo
Fomo dzi teaho u ḓadzwa
Zwidodombedzwa zwa vhukwamani
