Regerings Kleinhandel-effekte
Regerings Kleinhandel-effekte
Die Suid-Afrikaanse regering het in Mei 2004 die nuwe Kleinhandel-effekte van stapel gestuur. Dit vorm deel van die regering se veldtog om mense aan te moedig om te spaar. RSA Kleinhandel-effekte is 'n belegging by die Regering van Suid-Afrika teen 'n vate rentekoers vir die tydperk van die belegging. Jy kan enige bedrag tussen R1 000 en R1-miljoen vir 'n tydperk van twee, drie of vyf jaar belê.
Die Voordele wat RSA Kleinhandel-effekte Inhou
Hoe Dit Werk
Die Koop van RSA Kleinhandel-effekte
Nog Inligting
DIE VOORDELE WAT RSA KLEINHANDEL-EFFEKTE INHOU
Daar is talle voordele aan besparing deur 'n belegging in RSA Kleinhandel-effekte:
Veiligheid
Rente en kapitaal word elektronies in jou bankrekening inbetaal, wat 'n baie veilige manier is om te belê.
Dit is 'n papierlose belegging wat in jou naam geregistreer is. Daar is geen fisiese sertifikaat nie.
Gewaarborgde Opbrengs
Jy verdien 'n mark-verwante rentekoers.
Die rentekoers is vir die hele beleggingstydperk vas. Jy sal presies weet wat jou kontantvloei sal wees.
Jy kan kies om die rente wat jy verdien teen dieselfde koers te herbelê en daardeur seker te maak dat jou kapitaal groei.
Geen Risiko
Jy mag nie die RSA Kleinhandel-effekte as kollateraal vir enige lening gebruik nie, wat verseker dat jou belegging veilig is.
Jy kan nie die RSA Kleinhandel-effekte in die mark verkoop nie, wat verseker dat jy nie aan markrisiko's blootgestel word nie.
As jy kies om jou rente te herbelê, is daar geen herbeleggingsrisiko nie.
Gerief
Jy kan RSA Kleinhandel-effekte elektronies op die RSA Kleinhandel-effekte-webblad koop, of direk van die Nasionale Tesourie, of by enige tak van die Poskantoor, wat dit maklik maak om te belê.
Rente en kapitaal word direk op die rentebetalingsdatum in jou bankrekening inbetaal, wat verseker dat daar geen vertragings is nie.
Die RSA Kleinhandel-effekte is spesifiek ontwerp om jou te help om beheer oor jou beleggingsbesluite te neem.
Toeganklikheid
As jy kontant dringend nodig het, kan jy na 12 maande 'n vroeë onttrekking maak, maar jy sal moet inboet as daar minder as R1 000 in die rekening oorbly.
Benoeming van Begunstigdes
Jy kan een of meer begunstigdes vir jou RSA Kleinhandel-effekte Portefeulje benoem. Dit beteken as jy sou sterf, sal jou RSA Kleinhandel-effekte nie in die administrasie van die boedel vasgevang wees nie.
As jy nie 'n begunstgide benoem nie, sal die Kleinhandel-effekte deel van jou boedel vorm.
Of jy 'n begunstigde benoem of nie, sal die Effekte in ag geneem word wanneer die boedelbelasting bereken word.
Geen Koste
Daar is geen koste, kommissie of heffings wanneer jy in RSA Kleinhandel-effekte belê nie.
HOE DIT WERK
Om in RSA Kleinhandel-effekte te belê, moet jy:
Ouer as 18 wees.
n Bankrekening by 'n bank in Suid-Afrika hê.
n Minimum van R1 000 en 'n maksimum van R1-miljoen belê.
Wanneer jy belê, sal 'n rentekoers kwoteer word wat vir die beleggingstydperk wat jy kies, vas sal wees. Jy kan kies om vir 'n tydperk van twee, drie of vyf jaar te belê.
Die rentekoers vir nuwe beleggings word elke maand bepaal en op die RSA Kleinhandel-effekte-webbladadverteer. Die koers wat van toepassing is wanneer jy die belegging maak, geld vir die hele beleggingstydperk.
Rente word elke ses maande, op 31 Maart en 30 September, direk in jou bankrekening inbetaal. Jy kan kies of jy die rente by jou belegging wil voeg (oftewel wil herbelê).
Om beleggers teen risiko te beskerm, kan jy nie:
die Effekte as kollateraal vir 'n lening gebruik nie die Effekte op die mark verkoop nie.
DIE KOOP VAN RSA KLEINHANDEL-EFFEKTE
Jy het nodig:
jou ID-nommer jou bankrekeningbesonderhede die voltooide aansoekvorm betaling.
As jy tussen 18 en 21 is, sal jy ook die volgende nodig hê:
een van jou ouers se handtekening op die aansoekvorm jou huweliksertifikaat n bewys dat meerderjarigheidstatus aan jou toegestaan is kragtens die Wet op die Ouderdom van Meerderjarigheid van 1972.
Jy kan die aansoek soos volg indien:
aanlyn by enige poskantoor by die Hoof, Bate- en Lastebestuurafdeling, Die Nasionale Tesourie, Privaatsak x115, Pretoria, 0001
Jy kan soos volg vir die Effekte betaal:
elektronies deur internetbankdienste kontant, met 'n bankgewaarborgde tjek, of met 'n krediet- of debietkaart by 'n Bank kontant, met 'n bankgewaarborgde tjek, of met 'n kredietkaart by die Poskantoor
NOG INLIGTING
Nog inligting oor die Effekte is beskikbaar by:
Tel: 012 315 5888
Faks: 012 315 5675
Jy kan ook die webtuiste verken of by jou plaaslike poskantoor nog inligting kry.
Die webtuiste bevat besonderhede oor die lening, sowel as die heersende rentekoerse. Daar is ook 'n aanlynrekenaar om jou te help uitwerk wat die waarde van jou belegging aan die einde van die beleggingstydperk sal wees.
