TUISBLAD
JOU LEWE
ONDERWERPE
PUBLIKASIES
GIDSE
JOU REGERING
WERKGELEENTHEDE
Aangaande
Kontak
Hulp
Gevorderde Soektog
Tuisblad
Publikasies
Nuus
Nasionale Polio-Immuniseringveldtog: 8 tot 14 Oktober 2006
Nasionale Polio-Immuniseringveldtog: 8 tot 14 Oktober 2006
BRON: Ministerie van Gesondheid (Wes-Kaapse Provinsiale Regering)
n Gratis immuniseringsveldtog vind dwarsoor die provinsie van die 8ste tot 14de Oktober 2006 plaas, waartydens alle kinders onder die ouderdom van vyf jaar teen polio geïmmuniseer sal word.
Minister Uys doen 'n ernstige beroep op ouers, voogde, versorgers en die algemene publiek om alle kinders jonger as vyf jaar na hulle naaste kliniek of Gemeenskapgesondheidsentrum te neem om teen polio geïmmuniseer te word, ongeag die kinders se immuniseringstatus.
Polio is 'n hoogs aansteeklike siekte wat deur die poliovirus veroorsaak word en hoofsaaklik jong kinders aantas, maar enige persoon wat nie geïmmuniseer is nie kan polio opdoen," het Uys gesê.
Minister Uys het die Wes-Kaapse Departement van Gesondheid se veldtog in samewerking met die Stad Kaapstad vandag by die Tafelsig Gemeenskapsentrum geloods. Ongeveer 150 kinders het by hom aangesluit deur simbolies 'n "rooi kaart" vir polio te wys om die verspreiding daarvan stop te sit.
Gedurende die immuniseringveldtog sal spesiale pogings aangewend word om addisionele immuniseringsposte by alle klinieke, Gemeenskapgesondheidsentrums en gemeenskapsentrums so naby moontlik aan gemeenskappe beskikbaar te stel," het Uys gesê. Daarbenewens sal immuniseringspanne wat uit gesondheidswerkers bestaan gedurende die veldtog besoek bring aan dagsorgsentrums, bewaarskole en voorskoolse sentrums.
Polio kan voorkom word deur kinders op 'n roetine-grondslag gratis by openbare inrigtings in die provinsie teen polio te immuniseer by geboorte, op 6 weke, 10 weke, 14 weke en op 18 maande," sê dr Ivan Toms, Uitvoerende Direkteur van Stadsgesondheiddienste.
Suid-Afrika is al vir meer as 15 jaar vry van die poliovirus. Vroeër vanjaar het polio in Namibië uitgebreek nadat daardie land vir meer as tien jaar polio-vry was. Die nasionale massa-immuniseringsveldtog word gevoer om ekstra poliodruppels aan soveel moontlik kinders te gee. Dit sal voorkom dat die poliovirus onder onbeskermde kinders sirkuleer. Die veldtog word op kinders jonger as vyf jaar toegespits omdat hulle die kwesbaarste is.
Uitgereik deur:
Direktoraat Kommunikasie: Provinsiale Regering - Wes-Kaap, Departement van Gesondheid
Direktor: Kommunikasie
Tel: 021 483 3235
Tel: 021 483 2627
NUUSARGIEF
Die inhoud van hierdie bladsy is laas op 17 Oktober 2006 hersien
Onbekende staatstaal of akroniem? Kyk in die WOORDELYS.
Gebruiksvoorwaardes
Privaatheidsbeleid
Kopiereg
Cape Gateway is 'n diens wat die regering hoofsaaklik aan die burgers van die Wes-Kaap bied deur die voorsiening van inligting oor plaaslike, provinsiale en nasionale regering
