TUISBLAD
JOU LEWE
ONDERWERPE
PUBLIKASIES
GIDSE
JOU REGERING
WERKGELEENTHEDE
Aangaande
Kontak
Hulp
Gevorderde Soektog
Tuisblad
Gidse
Dienste
Landbou
Befondsing en Ondersteuning
Aansoek om 'n Toekenning van die Program vir Voedselsekuriteit (PVS)
Aansoek om 'n Toekenning van die Program vir Voedselsekuriteit (PVS)
BESKRYWING:
Die Program vir Voedselsekuriteit (PVS) is daarop gerig om slegs groepe uit die histories benadeelde gemeenskappe wat met 'n tuin wil begin, te ondersteun. Die program sal die projek deur middel van 'n afskopfonds finansier om 'n gemeenskapstuin en/of -projek van stapel te stuur.
Vir die volgende drie jaar sal die Departement van Landbou elke jaar geldelike hulp aan 20 groepe bied ten einde die Veldtog vir Voedselsekuriteit te steun. Hierdie program wil veral vroue- en jeuggroepe steun. 'n Bedrag van tot R50 000 is vir elke projek beskikbaar, en die projek moet aan die kriteria en vereistes voldoen wat hieronder uiteengesit word.
Hierdie is 'n toekenning, nie 'n lening nie, en die fondse wat suksesvolle aansoeke toegeval het, hoef nie terugbetaal te word nie.
VOORSKRIFTE:
Daar is spesifieke kriteria wat geld wanneer daar om hierdie toekenning aansoek gedoen word:
n Projekvoorstel in 'n vasgestelde formaat moet gedurende die voorafgaande boekjaar ingedien word.
Slegs groepe uit voorheen benadeelde gemeenskappe kan aansoek doen, maar diensverskaffers kan met die voorbereiding van projekvoorstelle behulpsaam wees.
Landbou-infrastruktuur, landboukundige insette en ander benodigdhede om 'n tuin te vestig, sal befonds word.
Persone (selfs al is hulle afgetredenes) wat meer as die regering se minimumloon verdien, persone wat vir die regering werk, en raadslede kwalifiseer nie vir steun nie.
Die voorstel moet die volgende inligting insluit:
die wetlike entiteit van die groep n aanduiding of die grond gehuur word, in welke geval 'n kontrak van nie minder nie as 5 jaar vereis word befondsing wat voorheen van enige staatsdepartement ontvang is die betrokkenheid van lede, hul verantwoordelikhede en hoedanigheid die lewensvatbaarheid van die projek opleiding wat lede ondergaan het die prestasierekord en verrigting met betrekking tot vorige projekte en befondsing die omvang van die bedrag wat vir die projek benodig word (totaal)
ander vennote wat by die projek betrokke is.
Projekte sal twee maal per jaar beoordeel word, in April en Augustus.
Let asseblief daarop dat befondsing wat gedurende een boekjaar aangevra word, eers gedurende die daaropvolgende jaar beskikbaar gemaak sal word.
Om meer inligting te bekom, en ook vir die formaat van die voorstel, moet u asseblief die persone hieronder skakel.
Skakel vir die:
Weskus Distriksmunisipaliteit
Tel.: 021 808 5199
Skakel vir die:
Tel.: 021 808 5103
Skakel vir die:
Sentraal-Karoo Distriksmunisipaliteit
Tel: 021 808 5100
VERSKAF BY:
Kantoor van die Wes-Kaapse Departement van Landbou
En hierdie fasiliteite:
VERSKAF DEUR:
STAATSLIGGAAM:
VERWANTE INLIGTING
Die inhoud van hierdie bladsy is laas op 21 Februarie 2005 hersien
Onbekende staatstaal of akroniem? Kyk in die WOORDELYS.
Gebruiksvoorwaardes
Privaatheidsbeleid
Kopiereg
Cape Gateway is 'n diens wat die regering hoofsaaklik aan die burgers van die Wes-Kaap bied deur die voorsiening van inligting oor plaaslike, provinsiale en nasionale regering
